मुंबई- केंद्र सरकारच्या वादग्रस्त शेती कायद्याबाबत शेतकरी गेल्या अनेक दिवसांपासून आंदोलन करत आहेत. दरम्यान, आणि कंगना रनौत या आंदोलनाचं समर्थन आणि निषेध करत सोशल मीडियावर एकमेकांमध्ये भिडत आहेत. यापूर्वीही दोघांनी एकमेकांबद्दल अनेक प्रतिक्रिया दिल्या होत्या. आता या दोघांमध्ये पुन्हा एकदा भांडण झालं आहे. दिलजीतने कंगनाच्या आवाजाची खिल्ली उडवली असतानाच कंगनाने दिलजीत आणि प्रियांका चोप्रा यांच्यावरही निशाणा साधला आहे. दिलजीतने त्याच्या ताज्या ट्वीटमध्ये स्वत: चा एक ऑडिओ शेअर केला आहे ज्यामध्ये तो कंगनाच्या आवाजाची टिंगल करताना दिसत आहे. या ऑडिओमध्ये दिलजीत कंगनाचं नाव न घेता म्हणाला की, काहींना दिवसभर माझं नाव घेतलं नाही तर जेवण पत नाही.तसंच त्याने स्वतःची तुलना डॉक्टरांच्या औषधाशी केली आहे. ज्याप्रमाणे डॉक्टर सकाळ संध्याकाळसाठी दोन गोळ्या देतो. त्याचप्रमाणे एक व्यक्ती आहे जी सकाळ संध्याकाळ माझ्या नावाचा जप करत असते. दिलजीतने हा ऑडिओ शेअर करताच कंगनाने सोशल मीडियावर तिचा अजून एक व्हिडिओ शेअर केला. या व्हिडिओमध्ये कंगना थेट दिलजीत आणि प्रियांका यांची नावं घेत आहेत. हे दोघं शेतकऱ्यांना भडकवण्याचं काम करत असल्याचं कंगना यात म्हणाली.. इथे पाहा व्हिडिओ.. कंगना-दिलजीत यांच्यात २७ नोव्हेंबरपासून वॉर सुरू झालं. कंगनाने जेव्हा शेतकरी आंदोलनात सहभागी झालेल्या एका आजीवर आक्षेपार्ह टीका केली होती. त्यानंतर कंगनाने थोड्यावेळाने ते ट्वीट डिलीटही केलं होतं पण दिलजीतने सोशल मीडियावर तिचा चांगलाच समाचार घेतला होता. फक्त दिलजीतच नाही तर बॉलिवूडमधील अनेक सेलिब्रिटींनी कंगनाच्या भाषेवर आक्षेप घेतला होता. मीका सिंग, हिमांशी खुराना, तापसी पन्नू आणि स्वरा भास्कर यांसारख्या अनेक सेलिब्रिटींनी उघडपणे कंगनावर टीका केली होती.
from Marathi Bollywood News, Marathi Cinema News https://ift.tt/2KJmeHt
