मुंबई- काही दिवसांपूर्वी कॉंग्रेस पक्ष सोडून शिवसेनेत आलेल्या बॉलिवूड अभिनेत्री यांना सोशल मीडियावर सातत्याने केलं जात असल्यावर त्यांनी नाराजी व्यक्त केली आहे. उर्मिला यांचे पती आणि त्यांच्या कुटुंबियांना सोशल मीडियावर त्रास दिला जात असल्याचं त्यांनी स्पष्ट केलं. याबद्दल बोलताना उर्मिला म्हणाल्या की काहींनी फक्त त्रास देण्यासाठी विकिपीडियावर त्यांच्या पालकांची नावंही बदलली आहेत. नुकत्याच झालेल्या मुलाखतीत उर्मिला म्हणाली की सोशल मीडियावर लबाडीने त्यांच्या नवऱ्याला अशा पद्धतीने ट्रोल केलं जाईल याचा त्यांना अंदाज नव्हता. या मुलाखतीत उर्मिला म्हणाल्या की त्यांच्या पतीला अगदी पाकिस्तानी आणि दहशतवादी देखील म्हटलं गेलं. काही दुराचारी व्यक्तींनी विकिपीडियाच्या पेजवर उर्मिलाच्याच्या आईचं नाव रुखसाना अहमद आणि वडिलांचं नाव शिविंदर सिंग लिहिलं होतं. उर्मिलाने स्पष्टपणे सांगितलं की त्यांच्या वडिलांचं नाव श्रीकांत मातोंडकर तर आईचं नाव सुनीता मातोंडकर आहे. उर्मिला यांनी आपल्या पतीबद्दल बोलताना स्पष्ट केलं की, मोहसीन एक काश्मिरी मुस्लिम आहे आणि ते दोघंही आपआपल्या धर्मांचं सारखंच पालन करतात. मार्च २०१७ मध्ये उर्मिलाना मोहसीनशी लग्न केलं. तेव्हापासून उर्मिलाला सतत कट्टरपंथियांच्या टीकेचा सामना करावा लागत आहे.
from Marathi Bollywood News, Marathi Cinema News https://ift.tt/38m71En
