मुंबई- प्रसिद्ध नृत्यदिग्दर्शक रेमो डिसूझा याला काही दिवसांपूर्वी आला होता. त्यानंतर त्याला तातडीने इस्पितळात दाखल करण्यात आलं होतं. त्याच्यावर अँजिओप्लास्टी करण्यात आली. आता रेमोच्या तब्येत सुधारणाआल्यानंतर त्याला घरी जाण्याची परवानगी देण्यात आली. रेमो आता घरी आला असून घरीही त्याचं अनोख्या पद्धतीने स्वागत करण्यात आलं आहे. रेमोने त्याच्या सोशल मीडिया हँडलवर स्लो मोशन व्हिडिओ शेअर केला आहे. यात रेमोने त्याची प्रकृती उत्तम असल्याचं चाहत्यांना सांगितलं. हा व्हिडिओ पोस्ट करताना त्याने कॅप्शनमध्ये लिहिले की, 'तुमच्या सर्वांचं प्रेम, प्रार्थना आणि आशीर्वादांबद्दल धन्यवाद, मी परत आलो आहे. या सुंदर स्वागतासाठी गॅब्रिएल डिसूझा, ऐडोनिस, एडी रॉकवुड आणि माझ्या सर्व मित्रांचे आभार.' शुक्रवारी आलेला हृदयविकाराचा झटका रेमो डिसूजाला गेल्या शुक्रवारी हृदयविकाराचा झटका आला होता. त्यानंतर त्याला मुंबईतील कोकिलाबेन धीरूभाई अंबानी इस्पितळात दाखल करण्यात आलं होतं. यानंतर बॉलिवूडच्या अनेक सेलिब्रिटी रेमोला भेटायला इस्पितळात गेले होते. लिजेलने सांगितलं रेमोची झाली अँजिओप्लास्टी शस्त्रक्रिया लिजेलने एका मुलाखतीत सांगितलं होतं की रेमो डिसूजाला हृदयविकाराचा झटका आला होता. त्यानंतर डॉक्टरांनी त्याची अँजिओप्लास्टी शस्त्रक्रिया केली. दरम्यान, रेमोच्या हेल्थविषयी नवीन माहिती समोर आलेली नाही.
from Marathi Bollywood News, Marathi Cinema News https://ift.tt/3mzKglq
