मुंबई- बॉलिवूड अभिनेत्री सध्या सोशल मीडियावर खूपच सक्रिय आहे. ट्विटरवरून ती सतत राजकीय वक्तव्य करताना दिसते. मुद्दा मुंबईचा असो की दिल्लीचा ती प्रत्येक घटनेवर आपलं मत व्यक्त करताना दिसते. राजकीय वक्तव्यांमुळे कंगनाला सोशल मीडियावर ट्रोलही केलं जातं. पण तरीही ती सोशल मीडियावर आपलं मत व्यक्त करताना दिसते. असं असलं तरी एक वेळ अशी होती जेव्हा कंगनाला ज्या लोकांकडे फारसं काम नसतं अशांचं माध्यम वाटायचं. कंगनाचा एक जुना व्हिडिओ समोर आला आहे, यात ती म्हणते की सोशल मीडिया हे निरुपयोगी लोकांसाठीची गोष्ट आहे. कंगनाचा हा व्हिडिओ 'द कपिल शर्मा शो' च्या एपिसोडमधला आहे. यात कपिल शर्मा जेव्हा कंगनाला सोशल मीडियावर नसण्याचं कारण विचारतो. या प्रश्नाचं उत्तर देताना कंगना म्हणते की, 'मला असं वाटतं की सोशल नेटवर्किंग साइटवर सारेच फालतू लोक असतात. ज्यांच्याकडे काही काम नसतं करायला ते सोशल मीडियावर असतात. ज्यांना ओळखतो त्यांच्याशी बोलणंं होत नाही. ज्यांना ओळखत नाही त्यांच्याशी काय बोलायचं. इथे पाहा व्हिडिओ : कंगनाचा हा व्हिडिओ समोर आल्यानंतर लोक त्यावर मिश्किल प्रतिक्रिया देत आहेत. कारण काही दिवसांपासून बॉलिवूडमधील एकाच सेलिब्रिटीच्या नावाची सर्व स्थरावर चर्चा आहे ती म्हणजे कंगना रणौत. बीएमसीच्या मुद्द्यानंतर आता कंगना सातत्याने शेतकरी आंदोलनावर आक्षेपार्ह ट्वीट करताना दिसत आहे. या दरम्यान तिने अनेकांवर वैयक्तिक टीकाही केल्या आहेत. कंगनाने फक्त सेलिब्रिटीच नाही तर अनेक राजकारण्यांवरही उघडपणे टीका केली आहे. कंगना रणौतच्या आगामी सिनेमांबद्दल बोलायचे झाले तर सध्या ती ‘थलायवी’ या सिनेमाच्या चित्रीकरणात व्यग्र आहे. हा सिनेमा तामिळनाडूच्या माजी मुख्यमंत्री जयललिता यांचा बायोपिक असणार आहे. यानंतर कंगना लवकरच तिच्या 'तेजस' सिनेमाच्या चित्रीकरणाला सुरुवात करणार असून यात ती भारतीय वायुसेनेच्या लढाऊ पायलटच्या भूमिकेत दिसणार आहे. याशिवाय तिने 'धाकड' सिनेमाही साइन केले असून यात ती अ‍ॅक्शन सीन करताना दिसणार आहे.
from Marathi Bollywood News, Marathi Cinema News https://ift.tt/3oCdQbD
