मुंबई- कॉमेडी किंग आणि चतरथ यांची मुलगी गुरुवारी १० डिसेंबर रोजी एक वर्षाची झाली. यावेळी कपिलने आपल्या मुलीच्या वाढदिवसाचे काही फोटो सोशल मीडियावर शेअर केले. यासोबतच त्याने चाहत्यांना भरभरून प्रेम दिल्याबद्दल आभारही मानले. कपिलने आपल्या पोस्टच्या कॅप्शनमध्ये लिहिले की, 'आमच्या लाडोच्या पहिल्या वाढदिवसाला प्रेम आणि आशीर्वाद पाठविल्याबद्दल खूप धन्यवाद. गिन्नी आणि कपिल. याप्रसंगी, गिन्नी, कपिल आणि कपिलच्या आईने अनायरा १ वर्षांची झाली असं सांगणारे टी-शर्ट घातले होते. फोटोंमध्ये अनायरा आजीच्या मांडीवर आनंदाने बसलेली दिसत आहे. कपिल आणि गिन्नी यांचं १२ डिसेंबर २०१८ रोजी लग्न झालं होतं. अनायराचा जन्म १० डिसेंबर २०१९ रोजी झाला होता. कपिलने यापूर्वी दीपिका पादुकोणला मुलीचे फोटो सर्वातआधी दाखवले होते. यानंतर काही दिवसांनी त्याने सोशल मीडियावर अनायराचे फोटो शेअर केले होते. कपिल अनेकदा अनायराचे फोटो चाहत्यांसोबत शेअर करत असतो. यापूर्वी दिवाळीचं औचित्यसाधून त्याने गिन्नी आणि त्याच्या आईसोबतचे अनायराचे फोटो पोस्ट केले होते. अलीकडेच कपिल पुन्हा बाबा होणार असल्याची बातमी समोर आली होती. करवाचौथ दरम्यान भारती सिंगच्या व्हिडिओमध्ये गिन्नी गरोदर असल्याचं दिसलं होतं. गिन्नीचा बेबी बंप यात स्पष्ट दिसत होता. पुढच्यावर्षी जानेवारीमध्ये कपिल आणि गिन्नी दुसऱ्यांदा आई- बाबा होणार असल्याचं म्हटलं जात आहे. पण याबाबतीत कपिलकडून कोणतंही अधिकृत विधान आलेलं नाही.
from Marathi Bollywood News, Marathi Cinema News https://ift.tt/374RN7x
