मुंबई: बॉलिवूड गायक आणि अभिनेता काही दिवसांपूर्वीच विवाहबंधनात अडकला आहे. आदित्यनं त्याची श्वेता अग्रावल हिच्यासोबत लग्नगाठ बांधली असून लग्नाचे फोटोही सोशल मीडियावर व्हायरल झाले आहेत. आदित्यच्या लग्नाची चर्चा तर सुरू होती, पण त्यानं श्वेतासाठी खरेदी केलेल्या अलिशान घराच्या चर्चा सोशल मीडियावर सुरू आहेत. आदित्य आणि श्वेता लकरच या नवीन घरात रहायला जाणार आहेत. आदित्यनं श्वेतासाठी ५ बीएचकेचा एक सुंदर फ्लॅट विकत घेतला आहे. या फ्लॅटची किंमत ४ कोटी असल्याचं म्हटलं जात होत. पण, यावर आदित्यनं स्वत: खुलासा केला आहे. 'अंधेरी परिसरात मी ५ बीएचकेचं एक घर विकत घेतलं आहे. हा फ्लॅट माझ्या आई- वडिलांच्या घरापासून फक्त तीन इमारती सोडून आहे. तीन- चार महिन्यांनी आम्ही त्या घरी रहायला जाऊ. पण ४ कोटी? या घराची किंमत तुम्ही फारच कमी सांगितली आहे. इतक्या कमी किंमतीत या परिसरात ५ बीएचके फ्लॅट येणं शक्य तरी आहे का? बाजारभावापेक्षा खूपच कमी किंमत सांगितलीय तुम्ही या घराची . या घराची किंमत १० कोटींच्या वर आहे. मी लहान असल्यापासून काम करत आहे. टीव्हीवर शो करतोय, मला त्यातून चांगलं मानधन मिळतं. तसंच या घरासाठी मी आधीपासूनच बचत केली होती, असं आदित्यनं एका मुलाखतीत म्हटलं आहे. दरम्यान, आदित्य आणि श्वेताची भेट १० वर्षांपूर्वी 'शापित' सिनेमाच्या सेटवर झाली होती. यानंतर दोघांनी एकमेकांना डेट करण्यास सुरुवात केली. जेव्हा आदित्य आणि श्वेता दोघांचीही सिनेसृष्टीतली कारकिर्द फार चांगली चालली नाही त्यानंतर आदित्यने छोट्या पडद्यावर आपलं लक्ष केंद्रित करण्याचा निर्णय घेतला. सध्या आदित्य सोनी टीव्हीचा सिंगिंग रिअॅलिटी शो इंडियन आयडल होस्ट करताना दिसत आहे.
from Marathi Bollywood News, Marathi Cinema News https://ift.tt/374348h
