मुंबई- लॉकडाउनमुळे बॉलिवूड सिनेसृष्टी अनेक महिन्यांपासून बंद होती. पण आता हळूहळू पुन्हा एकदा काम सुरू झालं आहे. अनेक कलाकार पुन्हा त्यांच्या प्रोजेक्टवर काम करण्यासाठी आणि चित्रीकरणासाठी घराबाहेर पडताना दिसत आहेत. त्याचवेळी अभिनेता यानेही आपल्या आगामी सिनेमाच्या सेटवर जाण्याचा निर्णय घेतला आहे. कार्तिकने सोशल मीडियावर माहिती दित सांगितलं की तो ‘’ सिनेमाच्या चित्रीकरणाला सुरुवात करणार आहे. कार्तिक आर्यनने शेअर केले दोन फोटो कार्तिक आर्यनने सोशल मीडिया अकाउंटवर दोन फोटो शेअर केले आहेत. एका फोटोत तो देवासमोर हात जोडून उभा आहे. तर दुसऱ्या फोटोत त्याच्या आईवर फोकस ठेवण्यात आला आहे. तिने तोंडाला मास्क लावला आहे. तर डोळ्यात एक भीतीही दिसते. कार्तिकने हे दोन फोटो शेअर करताना कॅप्शनमध्ये लिहिले की, 'देवाचं नाव घेऊन धमाका सुरू करू. पाहा माझी आई आधीच काळजीत आहे.' आईची भीतीही चुकीची नाही कार्तिकच्या आईच्या मनात भीती ही करोना व्हायरस संदर्भातली आहे. या काळात चित्रीकरणाला सुरुवात करणं किती धोकादायक आहे हे साऱ्यांनाच माहीत आहे. अनेक बॉलिवूड सेलिब्रिटींना करोना विषाणूची लागणही होत आहे. काही दिवसांपूर्वी वरुण धवन, नीतू कपूर, क्रिती सेनॉन सेटवरच करोना पॉझिटिव्ह आढळले होते. यानंतर सिनेमांचं चित्रीकरण बंद करण्यात आलं. वाढदिवसाला केली नवीन सिनेमाची घोषणा कार्तिक आर्यनने आपल्या वाढदिवसाच्या निमित्ताने सोशल मीडियावर 'धमाका' चे पोस्टर शेअर करुन नवीन सिनेमाची घोषणा केली होती. या सिनेमात कार्तिक आर्यन मुंबईतील दहशतवादी हल्ल्याबद्दल बातमी देणार्या पत्रकाराची भूमिका साकारताना दिसणार आहे. सिनेमाचं दिग्दर्शन राम माधवानी करणार आहेत. या सिनेमासाठी त्याने स्वतःच्या लुकमध्येही बदल केले आहेत.
from Marathi Bollywood News, Marathi Cinema News https://ift.tt/3a8VX03
