मुंबई: या प्रतिष्ठित पबवर पबवर छापा टाकल्यानंतर अनेक बड्या सेलिब्रिटींवर गुन्हा दाखल करण्यात आला आहे. क्रिकेटपटू , आणि अभिनेत्री, फॅशन डिझायनर यांच्यासह ३४ जणांविरोधात सहार पोलिस ठाण्यात मंगळवारी गुन्हा दाखल करण्यात आला. छापा टाकल्यानंतर हा प्रकार उघडकीस आला. पण या सर्व प्रकारावर सुझान खान हिनं एक पोस्ट करत खुलासा केला आहे. काय म्हटलंय सुझाननं तिच्या पोस्टमध्ये? 'माझ्या जवळच्या मैत्रिणीच्या बर्थडेनिमित्त मी काल रात्री ड्रॅगन फ्लाय क्लबमध्ये डिनरसाठी गेले होते. मध्यरात्री सुमारे अडिच वाजल्याच्या सुमारास काही पोलिस अधिकार क्लबमध्ये आले. त्यानंतर क्लबचा स्टाफ, व्यवस्थापक आणि पोलिस अधिकारी यांच्यात चर्चा सुरू होती. क्लबमध्ये असलेल्या सर्वांना पोलिसांनी पुढील तीन तास थांबण्याची सूचना देण्यात आली होती. त्यानंतर सहा वाजता आम्हाला क्लबमधून निघून जाण्यासाठी परवानगी देण्यात आली होती. पण अटक झाल्याचं वृत्त बेजबाबदार आणि खोटं आहे. आम्हाला का खांबवण्यात आलं , पोलिसांची काय चर्चा सुरू होती, याबद्दल मला काही माहिती मिळू शकली नाही. मुंबई पोलिसांच्या स्वार्थहीन कामाबद्दल मला खूप आदर आहे, त्यांच्याशिवाय आम्ही सुरक्षित आहोत. अशा आशयाची पोस्ट सुझाननं शेअर केली आहे. काय आहे प्रकरण?करोना संसर्गच्या पार्श्वभूमीवर मुंबईतील दुकाने, हॉटेल्स, पब यांना वेळची मर्यादा घालण्यात आली आहे. रात्री ११ नंतर कोणतेही आस्थापना सुरु ठेवण्यास मनाई करण्यात आली आहे. असं असतानाही अंधेरी सहार येथील ड्रॅगन फ्लाय नावाच्या एका पब मध्ये लेट नाईट पार्टी सुरू आहे अशी माहिती मुंबई पोलिसांना मिळाली. या माहितीवरून मुंबई पोलिसांच्या पथकाने मध्यरात्री अडीचच्या सुमारास या ठिकाणी छापा टाकला. वेळेचे बंधन जुगारून पब सुरु होता त्यातच आतमध्ये सामाजिक वावर नव्हता, कुणी मास्कही घातले नव्हते. सुरेश रैना, सुझेन खान, गुरु रंधावा यांसह काही सेलिब्रिटी पबमध्ये आढळले. २७ ग्राहक आणि पबचे सात अधिकारी, कर्मचारी यांच्यावर सहार पोलिस ठाण्यात गुन्हा दाखल करण्यात आला. गुन्हा दाखल करण्यात आलेल्या आरोपीमध्ये काही मुंबईतील तर काही पंजाब, नवी दिल्ली येथून आले होते. क्रिकेटर सुरेश रैना आणि गायक गुरू रंधावा या दोघांना अटक दाखवून जामिनावर तर सुझान हिला कलम ४१(अ)ची नोटीस देऊन सोडण्यात आलं.
from Marathi Bollywood News, Marathi Cinema News https://ift.tt/2WBKYnQ
