मनाली- बॉलिवूड अभिनेता याला करोनाची लागण झाली आहे. त्याला काही दिवसांपासून हलकासा ताप आणि सर्दी होती. यानंतर त्याची चाचणी केली गेली. मंगळवारी या चाचणीचा रिपोर्ट पॉझिटिव्ह आला. सनी जवळपास महिनाभरापासून हिमाचल प्रदेशमधील मनाली येथे राहत आहे. काही दिवसांपूर्वी मुंबईत त्याच्या खांद्यावर शस्त्रक्रिया करण्यात आली. त्यानंतर विश्रांतीसाठी तो मनालीतील त्याच्या फार्महाऊसवर गेला होता. गेला महिनाभर तो तिथेच राहत आहे. दरम्यान, मंडीचे मुख्य वैद्यकीय अधिकारी डॉ. देवेंद्र शर्मा यांनी सनी करोना पॉझिटिव्ह असणाऱ्या बातमीला दुजोरा दिला. सनी देओलचं मनालीशी फार जवळचं नातं आहे. हिवाळ्यात तो काही दिवस हमखास मनालीमध्ये घालवतोच. याशिवाय करोना महामारीच्या काळातही तो बराच काळ मनालीमध्ये राहिला होता. येत्या ३ डिसेंबरला कामानिमित्त मुंबईत येणार होता. मुंबईत येण्यापूर्वी त्याने स्वतःची करोना टेस्ट करून घेतली असता ती पॉझिटिव्ह निघाली. सनी देओलने स्वत:ला इतरांपासून वेगळं केलं आहे. आपल्या ट्विटमध्येही त्याने करोना पॉझिटिव्ह आल्याची माहिती चाहत्यांना दिली. त्याने ट्वीटमध्ये स्पष्ट म्हटलं की, 'मी करोनाची चाचणी केली आणि रिपोर्ट पॉझिटिव्ह आला. मी आता स्वतःला क्वारन्टीन केलं आहे. माझी तब्येत ठीक आहे. गेल्या काही दिवसांत माझ्याशी संपर्कात आलेल्या सर्वांनी स्वतःला क्वारन्टीन करून घेत चाचणीही करून घ्यावी ही विनंती.' चित्रपटांशिवाय सनी देओलही राजकारणात सक्रिय असल्याचे आम्हाला कळू द्या. 2019 च्या लोकसभा निवडणुकीत सनी देओल यांनीही भाजपाच्या तिकिटावर गुरदासपूर जागा जिंकली होती. याशिवाय नुकताच त्यांचा ‘आप’ या चित्रपटाची घोषणा झाली. ज्यामध्ये देओल कुटुंबातील तीन पिढ्या पडद्यावर दिसणार आहेत. त्यापैकी सनी देओल व्यतिरिक्त धर्मेंद्र, बॉबी देओल आणि सनीचा मुलगा करण देओल असतील.
from Marathi Bollywood News, Marathi Cinema News https://ift.tt/3mD0AmE
