मुंबई- प्रसिद्ध कोरिओग्राफ आणि दिग्दर्शक याला आज दुपारी हृदयविकाराचा झटका आला. यानंतर तातडीने त्याला कोकिलाबेन धीरुबाई इस्पितळात भरती करण्यात आलं. रेमोसोबत त्याची पत्नी लिजेल डिसूजाही इस्पितळात उपस्थित आहे. रेमोची एन्जिओग्राफी करण्यात आली आहे. सध्या त्याला अती दक्षता विभागात ठेवण्यात आलं आहे. चाहत्यांनी केली लवकर बरा होण्यासाठी प्रार्थना ४६ वर्षीय रेमो सध्या आयसीयूमध्ये आहे. रेमो आणि लिजेल यांना ध्रुव आणि गॅब्रिएल ही दोन मुलं आहेत. सध्या सोशल मीडियावर रेमोचे चाहते तो लवकरात लवकर बरा व्हावा यासाठी प्रार्थना करत आहेत. फक्त चाहतेच नाहीत तर अनेक बॉलिवूड सेलिब्रिटींनीही त्याच्या प्रकृतीची चिंता व्यक्त केली असून तो लवकर बरा होण्यासाठी प्रार्थना केली आहे. कोण आहे रेमो डिसूजा रेमो डिसूजा हा बॉलिवूडमधील प्रसिद्ध नृत्य दिग्दर्शक आहे. त्याने आतापर्यंत अनेक सिनेमांसाठी नृत्य दिग्दर्शन केलं आहे. त्याने न्यृत्य दिग्दर्शक म्हणून १९९५ मध्ये आपल्या कारकिर्दीची सुरुवात केली. याआधी तो बॅगराउंड डान्सर होता. वर्ष २००० मध्ये त्याने दिल पे मत ले यार सिनेमासाठी नृत्य दिग्दर्शन केलं. 'तहजीब', 'स्टूडेंट ऑफ द ईयर', 'ये जवानी है दीवानी', 'एबीसीडी २', 'बाजीराव मस्तानी' आणि 'कलंक' सिनेमासाठी त्याला पुरस्कारही मिळाले आहेत. यशस्वी नृत्य दिग्दर्शक म्हणून नाव कमावल्यानंतर त्याने आपलं लक्ष दिग्दर्शनाकडे वळवलं. फ्लाइंग जट, रेस ३, फालतू, एबीसीडी, एबीसीडी २ आणि स्ट्रीट डान्सर सारख्या सिनेमांचं त्याने दिग्दर्शन केलं आहे. याशिवाय तो अनेक रिअॅलिटी शोजचा परीक्षकही आहे.
from Marathi Bollywood News, Marathi Cinema News https://ift.tt/39ZSvoi
