गाणं आणि अभिनय सांताक्लॉज आपली सगळी स्वप्नं पूर्ण करतो. माझी स्वप्नं गायन आणि अभिनय या दोन कलांनी पूर्ण केली आहेत. त्यामुळे गाणं आणि अभिनय हेच माझ्यासाठी सांताक्लॉज आहेत. या दोघांशीही माझी घट्ट मैत्री आहे. मी चोवीस तास गाणं गुणगुणत असते आणि अभिनयही कायम सोबतीला असतो. या दोन्ही कला मला दररोज नव्यानं काहीतरी शिकवतात. भरभरून आनंद देत नवी स्वप्नं बघायला प्रोत्साहन देतात. - , गायिका-अभिनेत्री लेक माझी सांता माझ्या लहानपणी नाताळ हा सण मी कधी साजरा केला नव्हता. पण हा सण, सांताक्लॉज, त्याने दिलेली भेटवस्तू याबद्दल मनात कुतूहल आणि आकर्षण होतं. आता माझी लेक सनायासाठी खूप हौसेने आणि उत्साहाने नाताळ साजरा करतो. घरी ख्रिसमस ट्री सजवतो. आम्ही एकमेकींसाठी भेटवस्तू आणतो. सांताक्लॉज येऊन गिफ्ट देतो, हे सनायाला लहानपणी खरं वाटायचं. आता थोडी मोठी झाल्यावर आपली आईच आपल्यासाठी भेटवस्तू आणते, हे तिला कळलं आहे. गेल्या काही वर्षांपासून माझी लेकच मला नाताळचं गिफ्ट देते. त्यामुळे सनाया माझी सांता आहे. या वर्षी हा सिक्रेट सांता मला काय भेटवस्तू देणार? हे जाणून घेण्यासाठी मी उत्सुक आहे. - सोनाली खरे, अभिनेत्री गिफ्ट म्हणजे आईची सोबतमी अगदी लहानपणापासून अभिनय करतोय. मी बालकलाकार म्हणून काम करायचो. ऑडिशन, शूटिंग, प्रयोग अशा प्रत्येक प्रसंगी आई माझ्यासोबत असायची. तिने माझ्याबरोबर अभिनय क्षेत्रातला प्रत्येक टप्पा अनुभवला आहे. त्यामुळे आईच माझी सांताक्लॉज आहे. तिच्या पाठिंब्यामुळे मी इथपर्यंत पोहोचू शकलो आहे. आईचं प्रेम, तिची माया शब्दांत मांडताच येणार नाही. तिने लहानपणापासून आतापर्यंत खूप भेटवस्तू दिल्या आहेत. पण, तरीही तिचं सोबत असणं हीच सगळ्यात मोठी भेट वाटते. अजूनही आई खूप काळजी घेते. तिच्या आशीर्वादामुळे एक वेगळीच ऊर्जा अंगात संचारते - पुष्कर जोग, अभिनेतात्यानं फोन केला म्हणून... इंजिनीअरिंगचं शिक्षण पूर्ण केल्यावर पुढची आठ वर्ष मी संघर्ष करत होतो. अभिनय क्षेत्रात कामं शोधत होतो. पण, मनासारखं काम मिळत नव्हतं. नंतर २०१४च्या डिसेंबर महिन्यात मला सुव्रत जोशीचा फोन आला. त्याआधी आम्ही दोघांनी फक्त एका नाटकात काम केलं होतं. सुव्रतने मला 'दिल दोस्ती दुनियादारी' या मालिकेसाठी ऑडिशन द्यायला सांगितली. मी ऑडिशन देणं किती महत्त्वाचं आहे, हे तो जवळ-जवळ एक तास मला समजावत होता. त्यानंतर 'दिल दोस्ती...'साठी निवड झाली आणि पुढचा प्रवास सुरू झाला. २०१४च्या डिसेंबरमध्ये सुव्रतचा आलेला फोन माझ्या कायम लक्षात राहिला आहे. त्यावर्षी सुव्रत माझा सांताक्लॉज होता. त्यानं सांताक्लॉजसारखी भेटवस्तू पोतडीतून काढून मला अनोखी भेट दिली. आशेचा किरण दाखवला आणि नव्या जोमानं काम करण्याची उमेद दिली. - पुष्कराज चिरपुटकर, अभिनेता सिग्नलवरचे सांताक्लॉजमला लहानपणी नाताळ या सणाशी संबंधित चित्रपट पाहायला खूप आवडायचे. चित्रपटातल्या विलोभनीय दृश्यांनी मनात घर केलं होतं. नाताळमध्ये सांताक्लॉजच्या आगमनाचे वेध लागतात. त्या काळात आपल्याकडच्या रस्त्यांवर अनेक सांताक्लॉज दिसू लागतात. सिग्नलवर सांताक्लॉजच्या टोप्या विकणारी मुलं मला खऱ्या अर्थाने सांताक्लॉज वाटतात. कदाचित, त्या मुलांना सांताबद्दल काहीही माहिती नसेल. तरीही त्यांचं काम ते प्रामाणिकपणे करत असतात. मोठा झाल्यावरही मी दरवर्षी त्या मुलांकडून टोप्या विकत घेतो. त्यांच्या चेहऱ्यावरचा आनंद मला खूप काही देऊन जातो. नाताळ हा भेटवस्तूंची देवाणघेवाण करण्याचा सण आहे. आपण एकमेकांची मदत करून साजरा करायला हवा. - , अभिनेता संकलन- गौरी आंबेडकर, एसएनडीटी विद्यापीठ
from Marathi Bollywood News, Marathi Cinema News https://ift.tt/37LnbbA