मुंबई- याच्या मृत्यूच्या प्रकरणात ड्रग्ज अँगल समोर आल्यानंतर नारकोटिक्स कन्ट्रोल ब्युरो () देखील या प्रकरणात तपास करायला लागली. एनसीबीच्या चौकशीत बॉलिवूडमधली अनेक बड्या स्टार्सची नावं समोर आली. त्या सर्वांची चौकशी करण्यात तर आलीच याशिवाय अनेकांना अटकही करण्यात आली. एनसीबीने या सर्व सेलिब्रिटींचे मिळून एकूण ८५ गॅझेट फॉरेन्सिक लॅबमध्ये तपासणीसाठी पाठवले असल्याची माहिती आता समोर आली आहे. मुंबई मिररने प्रसिद्ध केलेल्या वृत्तानुसार, एनसीबीने गेल्या ४५ दिवसांत बॉलिवूडशी निगडीत लोकांचे ८५ गॅझेट्स गांधीनगरचे फॉरेन्सिक सायन्सेस डायरेक्टरेट (डीएफएस) मध्ये पाठवले आहेत. या गॅझेट्सवरून मिळालेल्या माहितीच्या आधारावरच एनसीबीने मुंबईतील ड्रग्स आणि ड्रग्जशी निगडीच धंद्याशी संबंधित लोकांना ताब्यात घेतले आहे. आतापर्यंत एनसीबीने ३० मोबाइल फोनमधून बराच डेटा हस्तगत केला आहे. एका सूत्राने दिलेल्या माहितीनुसार, , शौविक, सारा अली खान, अर्जुन रामपाल, श्रद्धा कपूर, दीपिका पादुकोण आणि त्यांच्यासाठी काम करणाऱ्यांचे मोबाइल फोनचा वापर ड्रग्जच्या अवैध धंद्यात गुंतलेल्या लोकांना शोधण्यासाठी करण्यात आला. त्यानंतरच्या छाप्यात जप्त केलेले अमली पदार्थही एनसीबीने तपासणीसाठी फॉरेन्सिक लॅबकडे पाठवले आहेत. यातून एनसीबीला ड्रग्जची गुणवत्ता निश्चित करता येणार आहे. सुशांतच्या प्रकरणात, अंमलबजावणी संचालनालयाला (ईडी) रिया चक्रवर्ती आणि शौविक यांच्या फोनमध्ये काही संशयास्पद ड्रग्ज चॅट सापडले होते. यानंतरच हे प्रकरण एनसीबीकडे देण्यात आलं होतं. त्यानंतर एनसीबीने रिया, शौविक, सुशांतचे कर्मचारी सॅम्युअल मिरांडा आणि दिपेश सावंत यांना ताब्यात घेतलं. त्यासोबतच एनसीबीने अनेक ड्रग्ज पेडलर्सना अटक केली. दीपिका, सारा, श्रद्धा, रकुलप्रीत, अर्जुन रामपाल यांच्यासह बॉलिवूडमधील अनेक सेलिब्रिटींचीही चौकशी केली.
from Marathi Bollywood News, Marathi Cinema News https://ift.tt/2WghxHR
