मुंबई: मराठी सिनेसृष्टीतील क्यूट कपल आणि लग्नबंधनात अडकले आहेत. गेल्या काही दिवसांपासून त्यांच्या लग्नाची सोशल मीडियावर प्रचंड चर्चाही सुरू आहे. सिद्धार्थ-मितालीच्या लग्नाच्या फोटोंवर तर चाहत्यांनी लाइक्सचा वर्षाव करत या जोडीला पुढील आयुष्याच्या प्रवासासाठी शुभेच्छा दिल्या आहेत. फोटोशेअर केल्यानंतर नुकताच सिद्धार्थ आणि मितालीनं त्यांच्या लग्नसोहळ्याचा एक व्हिडिओ देखील शेअर केला आहे. या व्हिडिओत त्यांच्या आयुष्यातील खास क्षण पाहायला मिळत आहे. सिद्धार्थ-मितालीसोबतच त्यांच्या कुटुंबियांच्या भावनाही या व्हिडिओच्या रुपातून त्यांच्या चाहत्यांपर्यंत पोहोचल्या आहे. असा पार प़डला विवाहसोहळा! पुण्यातील ढेपे वाड्यात सिद्धार्थ आणि मिताली विवाहबद्ध झाले. या लग्नाला मराठी सिनेसृष्टीतील अनेक कलाकारांनी हजेरी लावली होती. अभिनेत्री अभिज्ञा भावे तिच्या पतीसोबत या विवाबसोहळ्यात सहभागी झाली होती. तर पूजा सावंत, भूषण प्रधान हे देखील सिद्धार्थ आणि मितालीच्या लग्नाला आले होते. पारंपारिक मराठमोळ्या पद्धतीनं सिद्धार्थ-मितालीचा विवाह पार पडला. मितालीनं हिरव्या रंगाची साडी परिधान केली होती, तर सिद्धार्थनं निळ्या रंगाचा कुर्ता परिधान केला होता. दोन वर्षांपूर्वी व्हॅलेंन्टाइन्स डेच्या दिवशी सोशल मीडियावर सिद्धार्थ आणि मिताली यांनी प्रेमाची कबुली दिली होती. त्यानंतर दोघांचा साखरपुडा पार पडला होता. सोशल मीडियावर नावात केला बदल लग्नानंतर मितालीनं सोशल मीडियावर तिच्या नावात बदल केल्याचं पाहायला मिळालं. 'मिताली मयेकर-चांदेकर' अशा नावानं तिनं सोशल मीडियावरही नवी सुरुवात केली आहे.
from Marathi Bollywood News, Marathi Cinema News https://ift.tt/3j6xlaS
