मुंबई: बॉलिवूड अभिनेत्री मागच्या काही दिवसांपासून सोशल मीडियावर सर्वांचं लक्ष वेधून घेत आहे. तिच्या इन्स्टाग्राम पोस्ट सध्या चर्चेचा विषय ठरताना दिसत आहेत. कतरिनानं नुकताच तिच्या इन्स्टाग्रामवर एक व्हिडीओ शेअर केला आहे. जो सोशल मीडियावर व्हायरल झाला असून आतापर्यंत ५० लाखांपेक्षा जास्त लोकांनी हा व्हिडीओ पाहिला आहे. कतरिना कैफ नेहमीच सोशल मीडियावर सक्रिय असते. तिनं नुकताच इन्स्टाग्रामवर एक गमतीशीर व्हिडीओ शेअर केला. ज्यात ती हेअर ट्रीक दाखवताना दिसत आहे. सुरुवातीला ती सर्व मोकळे केस पुढच्या बाजूला घेत खाली वाकते आणि जेव्हा ती सरळ होते तेव्हा ते केस रबर बॅन्डमध्ये बांधलेले असतात. हा व्हिडीओमध्ये कतरिना ही केस बांधण्याची ट्रीक दाखवल्यावर जोरजोरात हसताना दिसत आहे. तिचा हा व्हिडीओ सध्या खूप व्हायरल होत आहे आणि त्यावर चाहत्याच्या मजेशीर प्रतिक्रिया देखील पाहायला मिळात आहेत. कतरिनानं हा व्हिडीओ शेअर करताना लिहिलं, ‘सॅटरडे नाइट हेअर ट्रीक ही हेअर ट्रीक सायरा कबीरनं शिकवली आहे.’ आधीही काही दिवसांपूर्वी कतरिना तिच्या इन्स्टाग्राम स्टोरीमुळे चर्चेत आली होती. तिनं इन्स्टाग्राम स्टोरीमध्ये एक फोटो शेअर केला होता. ज्यात तिच्या शेजारी कोणाचा तरी हात दिसत होता. मात्र या फोटोतील कपड्यांच्या रंगावरून तो विकी कौशल असल्याचा अंदाज चाहत्यांनी लावला होता. कतरिना आणि विकी कौशल मागच्या काही काळापासून रिलेशनशिपमध्ये असल्याच्या चर्चा आहेत. मात्र याची कबुली या दोघांनी अद्याप दिलेली नाही.
from Marathi Bollywood News, Marathi Cinema News https://ift.tt/2L7LYhu
