मुंबई: लॉकडाऊननंतर आता पुन्हा एकदा मनोरंजन सृष्टीतले कलाकार नव्यानं त्यांच्या कामांना सुरुवात करत आहेत. बॉलिवूड असो वा मग मराठी चित्रपटसृष्टी संपूर्ण लॉकडाऊनमध्ये सर्वच कलाकार सोशल मीडियाच्या माध्यमातून चाहत्यांशी संवाद साधताना दिसले. यापैकीच एक मराठी टीव्ही अभिनेत्री म्हणजे . सबोध भावेसोबत ‘तुला पाहते रे’ या मालिकेतून पदार्पण करणारी गायत्री नेहमीच सोशल मीडियावर स्वतःचे फोटो पोस्ट करताना दिसते आणि त्याला चाहत्याची वाहवा सुद्धा मिळते. नुकतेच गायत्रीनं तिच्या इन्स्टाग्रामवर काही फोटो शेअर केले आहेत. ज्याची सोशल मीडियावर चर्चा होताना दिसत आहे. गायत्रीनं तिच्या इन्स्टाग्रामवर काही फोटो पोस्ट केले आहेत. ज्यात ती निळ्या रंगाच्या साडीत दिसत आहे. पण या फोटोंची चर्चा एका वेगळ्याच कारणानं होत आहे. या फोटोंमध्ये गायत्रीनं थोडा भडक मेकअप केला असून त्यात काळ्या रंगाच्या लिपस्टिक शेडचा वापर केला आहे. हेच कारण आहे ती पुन्हा एकदा सोशल मीडियावर चर्चेत आली आहे. हा फोटोमध्ये गायत्रीचा चेहऱ्यावरील भाव थोडे विचित्र असून फोटोच्या कॅप्शनमध्ये तिनं लिहलं, ‘माझा चेहरा... जेव्हा बिर्याणी खाताना मला त्यात वेलची मिळते.’ गायत्रीच्या या आगळ्या वेगळ्या लुकवर युजर्सच्या संमिश्र प्रतिक्रिया पाहायला मिळत आहेत. मेकअपमध्ये असा वेगळा प्रयोग केल्यानं तिच्या काही चाहत्यांनी तिचं कौतुक केलं आहेत तर काहींना मात्र हा लुक अजिबात आवडेला नसून त्यांनी यावर स्पष्ट शब्दात नाराजी व्यक्त केली आहे. तर काहीं चाहत्यांचं म्हणणं आहे की वेगळा प्रयोग ठिक आहे पण गायत्री तिच्या नॅचरल लुकमध्येच सर्वाधिक चांगली दिसते. २०१८ मध्ये झी मराठीवरील ‘तुला पाहते रे’ या मालिकेतून गायत्रीनं अभिनय क्षेत्रात पदार्पण केलं होतं. या मालिकेत तिनं सुबोध भावेसोबत काम केलं होतं. तिची पहिली-वहिली मालिका प्रचंड गाजली होती आणि तिच्या अभिनयाचंही कौतुक झालं होतं. त्यानंतर ती निम्मा शिम्मा राक्षस या नाटकातून प्रेक्षकांच्या भेटीला होती. याशिवाय ती युवा डान्सिंग क्वीन या डान्स रिअलिटी शोमध्ये सुद्धा दिसली होती.
from Marathi Bollywood News, Marathi Cinema News https://ift.tt/3j5hfhK
