अभिषेक खुले लेखक जे लिहितो अन् दिग्दर्शकाला जे सांगायचं असतं, ते तेवढ्याच ताकदीनं रसिकांच्या मनात पोहोचविण्याचं कसब अभिनेत्याच्या अंगी असावं लागतं. यात कलावंत यशस्वी ठरला तरच त्या पात्राचं अन् सामूहिक मेहनतीचं, कलाकृतीचं चीज होतं. ‘त्रिभंग’च्या बाबतीत हे घडलंय. नयनतारा आपटे या प्रसिद्ध लेखिकेच्या भूमिकेतील जेव्हा म्हणते, ‘इतना प्यार हैं मेरे बच्चों में, और इतनी बडी खाई उनके और मेरे बीच में. कभी कभी सोचती हूँ काश ये मेरे किरदार होते, फिर मैं उन्हें अपनी मनचाही दिशा में ले जाती और फिर वो मुझसे प्यार करते’... हे वाक्य मनाला स्पर्शून जातं. क्षणभर आपणही हळवे होतो. तन्वी यांनी नजाकतीनं पेश केलेला हा संवाद या चित्रपटाचा सार अन् जान आहे. ‘त्रिभंग’चा ट्रेलर आला तेव्हा आई अन् मुलीत काहीतरी बिनसलंय आणि त्यातून ही कथा घडते, याचा अंदाज आधीच आलेला होता. शिवाय, चित्रपटाची कथा स्त्रीवादी असल्याचं जाणवत होतं. मात्र, आपल्या कल्पनेच्या पलीकडे जाणारं हे कथानक आहे. १ तास ३५ मिनिटे ४६ सेकंदांच्या या चित्रपटात ना फापटपसारा आहे, ना कुठल्या दृश्याची उगाच खेचताण. लेखक, दिग्दर्शकाला जे सांगायचं, ते नेमक्या पद्धतीनं कसं पोहोचवायचं, याचं हे उत्तम उदाहरण आहे. हा दीड तास तुम्हाला स्वत:च्या ताब्यात घेतो, गुंतवून ठेवतो. तीन पिढ्यांची ही कथा. नयनतारा आपटे (तन्वी आजमी) हिचं विश्व फक्त लिखाण आहे. त्यापुढे कुटुंब दुय्यम. तिला मुक्त जगायचंय. म्हणूनच दोन मुलांना घेऊन ती घराबाहेर पडते, लेखिका म्हणून यशस्वी होते. तिची मुलगी अनुराधा आपटे () ही प्रसिद्ध ओडिसी नृत्यांगना अन् अभिनेत्री. लग्नाला ती ‘सोसायटल टेररिझम’ मानते. लिव्ह इन रिलेशनशिपमधून तिला मुलगी होते, माशा (). माशाची विचारधारा वेगळी आहे. तिला एक संपूर्ण कुटुंब हवंय. म्हणून ती एकत्रित कुटुंबात लग्न करून जाते, तेथील प्रथाही पाळते. भूतकाळात घडलेल्या घटनांचा आपल्या आजच्या जीवनावर काय प्रभाव पडतो, त्याचं उत्तम चित्रण यात आहे. आई नयनतारा घर सोडून आल्यानंतर मुक्त जगायला लागते, त्यातून धोक्यात आलेली अनुराधा, त्यामुळे अनुराधाच्या मनात आईविषयी असलेला प्रचंड द्वेष, त्यातून अनुराधाचं पुढं आपल्याच नियमांनुसार जगणं. इकडे आजी आणि आई या दोघींचंही जीवन पाहून तावून सुलाखून निघालेली अन् त्यामुळेच एका कुटुंबाची आस लावून बसलेली माशा असे तीन विचारप्रवाह यात पाहायला मिळतात. लेखक मिलन () याच्यावर नयनतारा यांचा प्रभाव असतो. त्यांचे आत्मकथन मिलन लिहिणार असतो. त्यादरम्यान एक घटना घडते अन् त्यानिमित्तानं आजी, आई, मुलगी या तीन पिढ्या एकत्र येतात. त्यातून जे उलगडत जातं, ते लाजवाब आहे. कुठलीही एक विचारधारा तुमच्यावर न थोपवता ही कलाकृती एक उत्तम समतोल साधते. काय चांगलं, काय वाईट यावर भाष्य न करता ते ठरविण्याची मुभा तुम्हाला देते. आपलं अस्तित्व जपणं हा प्रत्येकीचा अधिकार आहे, हेही यातून दिसतं अन् कुटुंब नसलं तर मुलांची कशी वाताहत होते, याचंही चित्रण नजरेत भरतं. यांनी ‘रिटा’नंतर दिग्दर्शित केलेला हा दुसरा चित्रपट. कथा अन् दिग्दर्शनाच्या बाबतीत त्यांनी यात बाजी मारलीय. प्रत्येक फ्रेम त्यांनी बोलकी केलीय. कसलेली स्टारकास्ट आहे. तन्वी तर दमदारच. काजोलच्या तोंडी नुसत्या शिव्या आहेत. ते थोडं ‘लाउड’ वाटू शकतं. मात्र, परिस्थितीमुळे बनलेला हा स्वभाव आहे, हेही जाणवतं. शुद्ध हिंदी बोलणाऱ्या मिलनच्या भूमिकेतील कुणाल रॉय कपूर, अध्यात्माच्या मार्गी लागलेला अनुराधाचा भाऊ रोबिंद्रोच्या भूमिकेतील वैभव तत्त्ववादी, माशाच्या भूमिकेतील मिथिला पालकर यांच्यासह मानव गोहिल, , श्वेता मेहेंदळे, अंतरा देशपांडे, आरहा महाजन या सर्वांनी आपापल्या भूमिका उत्तम साकारल्यात. संजॉय चौधरींचं संगीत परिणामकारक झालंय. जबीन मर्चंट यांचं संकलनही उत्तम. ही अगदी सरळ, सोपी नि साधी कथा. ती तेवढ्याच प्रभावी, प्रवाही पद्धतीनं रेणुका शहाणे यांनी आपल्यासमोर मांडलीय. त्या प्रवाहात सहभागी होणं एक चांगली अनुभूती आहे. पाहा ट्रेलर त्रिभंग निर्माते : अजय देवगण, पराग देसाई, रिषी नेगी, सिद्धार्थ पी. मल्होत्रा, सपना मल्होत्रा. दिग्दर्शन : रेणुका शहाणे कलाकार : तन्वी आजमी, काजोल, मिथिला पालकर, कुणाल रॉय कपूर, कंवलजित सिंग, वैभव तत्त्ववादी आदी. लेखन : रेणुका शहाणे संगीत : संजॉय चौधरी ओटीटी : नेटफ्लिक्स दर्जा : चार स्टार
from Marathi Bollywood News, Marathi Cinema News https://ift.tt/2LyjRs7
