मुंबई- अलीकडच्या काळात बॉलिवूडच्या अनेक स्टार्सनी स्वप्नाच्या शहरात मुंबईत आपलं स्वतःचं हक्काचं घर विकत घेतलं आहे. आता अभिनेता देखील स्वत: साठी नवीन घर विकत घेण्याच्या तयारीत आहे. त्याने स्वतः ट्विटरवर यासंबंधीची माहिती दिली आहे. तसेच चाहत्यांकडून काही माहितीही मागितली आहे. विशेष म्हणजे राजकुमार मुंबई बाहेर घर घेण्याचा विचार करत आहे. राजकुमार याने ट्विटरवर यूझर्सना एक प्रश्न विचारला आहे. राजकुमारने त्याचं म्हणणं थेट न सांगता फिरवून सांगितलं. म्हणून चाहत्यांनीही त्याच्या या प्रश्नावर वेगळीच उत्तरं द्यायला सुरुवात केली. राजकुमारने प्रश्न विचारला की, 'एखाद्याने नवीन शहरात नवीन घर घेण्याचा विचार केला तर काय करावं? काही कल्पना? ' राजकुमार राव याच्या या पोस्टवर अनेकांनी वेगळीच उत्तरं दिली. एकाने लिहिले की, 'जर तुला मुंबईत घर घ्यायचं असेल तर यांना संपर्क साध. तर दुसऱ्याने घराला एशियन पेन्ट लावण्याचा सल्ला दिला. अजून एका युझरने लिहिले की, 'मनोज बाजपेयी यांच्याशी बोल, त्यांना घर विकायचं आहे.' विशेष म्हणजे काही महिन्यांपूर्वी सोनाक्षी सिन्हा, जॅकलिन फर्नांडिस, जान्हवी कपूर यांसारख्या अनेक अभिनेत्रींनी मुंबईत आपलं स्वतःचं घर घेतलं. राजकुमार राव हा मुळचा गुरगाव हरियाणा इथला आहे. इथेच त्याचा जन्म झाला. २०१० मध्ये 'लव्ह सेक्स और धोका' सिनेमातून त्याने बॉलिवूडमध्ये पदार्पण केलं होतं. असं असलं तरी २०१३ मध्ये आलेल्या काय पो छे सिनेमातून त्याला खरी लोकप्रियता मिळाली. यानंतर त्याने 'क्वीन', 'अलिगड', 'स्त्री', 'बरेली की बर्फी', 'ट्रॅप्ड' अनेक अनेक सर्वोत्कृष्ट सिनेमांमध्ये काम केलं. या सिनेमातील त्याच्या अभिनयाचं कौतुकही मोठ्याप्रमाणात झालं. नुकताच राजकुमार राव याचा 'द व्हाइट टायगर' सिनेमा ओटीटी प्लॅटफॉर्मवर प्रदर्शित झाला आहे. या सिनेमात त्याच्यासोबत प्रियांका चोप्राही आहे.
from Marathi Bollywood News, Marathi Cinema News https://ift.tt/2YgBPBQ
