मुंबई: कॅन्सरबाबत जागरुकता पसरवण्यासाठी ४ फेब्रुवारीला जागतिक दिन साजरा करण्यात आला. कॅन्सर जागरुकतेच्या या अभियानात अनेक सेलिब्रेटी आपलं योगदान देत आहेत. ज्यात अभिनेता विवेक ओबेरॉयचा देखील समावेश आहे. विवेक मागच्या १८ वर्षांपासून या अभियानात सहभागी होत आहे. बॉलिवूडमध्ये त्यानं काही निवडक चित्रपटांमध्ये काम केलं असलं तरीही सामाजिक कर्यांमध्ये मात्र तो खूप सक्रिय आहे. मागच्या १८ वर्षांपासून विवेकनं २.५ लाखांपेक्षा जास्त कॅन्सर पीडित मुलांना या रोगाशी लढण्यासाठी भावनिक आणि आर्थिक सहाय्य केलं आहे. २००४ मध्ये तो कॅन्सर पेशंट अँड असोसिएशनशी (CPAA) जोडला गेला. या असोसिएशनच्या मदतीनं त्यानं टाटा मेमोरिअल हॉस्पिटलच्या बाहेर फुटपाथवर राहणाऱ्या लोकांना मदत केली. त्यांना राहण्यासाठी घरं आणि मुलांना या भयंकर रोगाशी लढण्यासाठी आर्थिक मदत देखील केली. विवेक म्हणतो- एक संधी हा प्रत्येक मुलाचा अधिकार विवेकनं फक्त कॅन्सर पीडितांनाच नाही तर अशा काही शेतकऱ्यांनाही मदत केली आहे. ज्यांनी आपल्या जमिनी आणि घर गहाण ठेवून कर्ज घेतलं होतं. तो म्हणतो- 'हे सर्व करण्यामागे माझा हेतू एवढाच आहे की, कोणतही मुल या आजाराने पीडित असू नये कारण अनेक पालक आर्थिक परिस्थितीमुळे कॅन्सर सारख्या आजारावर आपल्या मुलांना उपचार देण्यास सक्षम नसतात. जर ही लढाई जिंकण्याचा रस्ता असेल ती एक संधी प्रत्येक मुलाचा अधिकार आहे.' कॅन्सर पीडित मुलांसोबत विवेक साजरा करतो वाढदिवसविवेकनं १८ वर्षांपूर्वी आपला वाढदिवस कॅन्सर पीडित मुलांसोबत साजरा केला होता. त्यानंतर आता पर्यंत तो अशाप्रकारेच आपला वाढदिवस साजरा करतो. त्या मुलांना खूश करण्यासाठी विवेक अशा लोकांना आमंत्रित करतो. ज्यांनी कॅन्सरची लढाई जिंकली आहे. यामुळे त्या मुलांना या आजाराशी लढण्याचं बळ मिळतं असे विवेक सांगतो. विवेक आपल्या या कामाविषयी बोलताना म्हणाला, 'मी स्वतःला खूप नशीबवान समजतो की, अशा लोकांना भेटण्याची संधी मला मिळाली. माझ्या क्षमतेनुसार मी त्यांना मदत करत असतो. त्यांच्या चेहऱ्यावरील आनंद मला हे काम आणखी चांगल्या पद्धतीनं करण्यासाठी प्रेरित करतो.' विवेकच्या मते, ग्रामीण भागातील शेतकरी कुटुंबातील २.५ लाखांपेक्षा जास्त गरीब मुलांना कॅन्सरची लढाई जिंकण्यासाठी, आर्थिक आणि मानसिक रुपात मदत करणं ही त्याच्यासाठी सर्वात मोठी गोष्ट आहे. यासोबत इतर सक्षम लोकांनी देखील अशा प्रकारे मदतीचा हात दिला पाहिजे असं आवाहन त्यानं केलं आहे.
from Marathi Bollywood News, Marathi Cinema News https://ift.tt/36NJn3G
