हैदराबाद: दाक्षिणात्य सुपरस्टार अल्लू अर्जुनचे संपूर्ण देशभरात चाहते आहेत. आपल्या उत्कृष्ट व दर्जेदार अभिनयाने त्याने प्रेक्षकांची मने जिंकली . त्याच्या उत्तम अभिनयामुळे प्रेक्षक त्याच्या चित्रपटांना हमखास गर्दी करतात. आगामी चित्रपटाचं चित्रीकरण करत असताना त्याच्या लक्झरिअस व्हॅनिटी व्हॅनला अपघात झाला आहे. शनिवारी म्हणजेच फेब्रुवारी रोजी खम्मम या ठिकाणी हा अपघात झाला असून अपघातावेळी व्हॅनमध्ये उपस्थित नसल्याने मोठा अनर्थ टळला आहे. मिळालेल्या माहितीनुसार, त्याच्या व्हॅनला एका ट्रकने मागून धडक दिली. चित्रपटाचे चित्रीकरण संपवून संपूर्ण टीम आंध्रप्रदेशातील पूर्व गोदावरी जिल्ह्याच्या एजन्सी क्षेत्रातील मरुदुमली येथून हैदराबाद जाण्यासाठी निघाली होती. तेव्हा हा अपघात झाल्याचे समजते. या संदर्भात, खम्मन ग्रामीण पोलीस ठाण्यात तक्रार दाखल केली आहे. अपघातावेळी व्हॅनिटी व्हॅनमध्ये अल्लूचे मेकअप कलाकार उपस्थित होते. सुदैवाने कोणालाही दुखापत झालेली नाही. या व्हॅनिटी व्हॅनची किंमत जवळपास ७ कोटी रुपये असून अल्लूने तिचं नाव फॅल्कन ठेवलं आहे.अल्लुची ही व्हॅन आतून अत्यंत प्रशस्त व लक्झेरिअस आहे. ही व्हॅन भारतातील कंपनी बेंझने बनवली आहे. अल्लू प्रसिद्ध तेलुगू अभिनेते चिरंजीवी यांचा भाचा आहे. त्याने २००३ साली लालकृष्ण राघवेंद्र दिग्दर्शित चित्रपट 'गंगोत्री' मधून आपल्या कारकिर्दीला सुरुवात केली होती. त्यानंतर २००४ साली आलेला 'आर्या' चित्रपट बॉक्स ऑफिसवर सुपरहिट ठरला आणि तिथून त्याच्या प्रवासाला खऱ्या अर्थाने सुरुवात झाली. सध्या अल्लू 'त्रिविक्रम' साठी चित्रीकरण करत आहे.
from Marathi Bollywood News, Marathi Cinema News https://ift.tt/3aG4lTx
