मुंबई: बिग बॉसच्या १४ व्या सीझनमध्ये सध्या वेगवेगळे ट्वीस्ट पाहायला मिळत आहे. वाइल्ड कार्ड एंट्री म्हणून जेव्हा बिग बॉसच्या घरात आली आहे. तेव्हा पासून घरात रोज नवा ड्रामा पाहायला मिळत आहे. सलमान खाननं सुद्धा अनेकदा राखीला पाठिंबा दिला. ज्यामुळे त्याला प्रेक्षकांच्या रागालाही सामोरं जावं लागलं होतं. पण मागच्या आठवड्यापासून राखी सावंतचं वागणं पाहून सलमान खानलाही आता राग अनावर झाला आहे. कलर्स टीव्हीनं त्यांच्या ऑफिशिअल इन्स्टाग्रामवर एक व्हिडीओ शेअर केला आहे. ज्यात राखी सावंतला ओरडताना दिसत आहे. एवढंच नाही तर शेवटी सलमान राखीला शो सोडून जाण्यास सांगताना दिसत आहे. या व्हिडीओ शनिवारच्या 'विकेंड का वार'चा प्रोमो आहे. ज्याच्या सुरुवातीपासूनच सलमान घरातील सदस्यांवर भडकलेला दिसत आहे. सलमान घरातील सदस्यांना कॉन्टेन्ट आणि फुटेजसाठी एकमेकांवर लावल्या जात असलेल्या आरोपांवर सर्वांना चांगलंच सुनावतो. लोखंडवाला? तुम्ही सर्व कुठून चंद्रावरून आला आहात का? निक्की तांबोळीनं राखीच्या मेकअप ब्रँडला लोखंडवाला ब्रँड म्हटलं होतं. सलमानचा वाढत चाललेला राग पाहता अली गोनी माफी मागण्याचा प्रयत्न करतो मात्र सलमान रागात त्यालाही 'गप्प बस' असं सांगतो. या सीझनमध्ये सलमान पहिल्यांदाच राखीवर एवढा भडकलेला पाहायला मिळाला. तो राखीला म्हणतो, 'लोकांवर आरोप करतेस, त्यांच्या कॅरॅक्टरवर प्रश्न उपस्थित करतेस.' यावर राखी सलमानला आपली बाजू समजावण्याचा प्रयत्न करते पण सलमान तिलाही गप्प करतो. तो म्हणतो, मी नेहमीच तुला सपोर्ट केला आहे. पण जर तू याला मनोरंजन म्हणत असशील तर मला असं मनोरंजन अजिबात नको आहे. तू जर स्वतःला लाइन क्रॉस करण्यापासून थांबवू शकत नसशील तर आता लगेच तू हा शो सोडून जाऊ शकतेस. कृपया दरवाजा उघडा. सलमानच्या या वाक्यानंतर लगेचच बिग बॉस हाऊसचा दरवाजा उघतो. या संपूर्ण सीझनमध्ये सलमान अशाप्रकारे पहिल्यांदाच रागात असलेला पाहायला मिळाला. त्याचा राग पाहिल्यावर घरातील सदस्यही हैराण झालेले पाहायला मिळाले.
from Marathi Bollywood News, Marathi Cinema News https://ift.tt/3q22z5G
