चेन्नई- सुशांतसिंह राजपूतने राहत्या घरी आत्महत्या केल्यानंतर चित्रपटसृष्टीतील अनेक कलाकार मानसिक समस्यांशी दोन हात करत असल्याचं समोर आलं. कलाकार नैराश्यात जाऊन टोकाचा निर्णय घेतात. करोनाकाळात अनेक कलाकारांनी आपलं आयुष्य संपवल्याच्या घटना समोर आल्या. आता नवोदित दाक्षिणात्य अभिनेता श्रीवात्सव चंद्रशेखर यानेही गळफास लावून आपलं आयुष्य संपवलं आहे. मीडिया रिपोर्टनुसार, गुरुवार ४ फेब्रुवारी रोजी त्याने त्याच्या दुसऱ्या घरी जाऊन गळफास लावून त्याने स्वतःचं आयुष्य संपवलं आहे. हे घर मुख्यतः तो कामासाठी वापरत होता. चंद्रशेखरने या सिनेमात धनुषसोबत काम करत होता. एवढंच नाही तर या वेबसीरिजचाही तो भाग होता. घरातल्यांनी दिलेल्या माहितीनुसार, या सिनेमाचं चित्रीकरण बुधवारी ठेवण्यात आलं नव्हतं तरीही चंद्रशेखरने तो शूटला जात असल्याचं खोटं कारण सांगितलं. यानंतर तो त्याच्या दुसऱ्या घरी गेला. चौकशी केल्यानंतर तो घरात मृतावस्थेत आढळून आला. संपूर्ण दाक्षिणात्य चित्रपटसृष्टीसाठी हा एक मोठा धक्का असून अनेक मोठ्या कलाकारांनी सोशल मीडियाच्या माध्यमातून त्याला श्रद्धांजली वाहिली आहे. चंद्रशेखर अभिनय आणि मॉडेलिंग क्षेत्रात काम करत होता. त्याने 'वल्लमाई तरायो' या वेब सिरीजमध्येही भूमिका केली होती. चंद्रशेखरला काही मानसिक समस्या असल्याचं समोर आलं आहे. त्यावर तो उपचारही घेत होता. बुधवारी आपल्या पेरांबूर येथील घरुन कामाच्या बहाण्याने निघाला आणि या घरात येऊन त्याने गळफास लावला. त्याच्यावर शुक्रवार ५ फेब्रुवारी रोजी अंत्यसंस्कार करण्यात आले असून दाक्षिणात्य सिनेसृष्टीतील कलाकारांसाठी हा फार मोठा धक्का आहे.
from Marathi Bollywood News, Marathi Cinema News https://ift.tt/3q88wO8
