मुंबई- प्रियांका चोप्राचा हात फॅशन आणि अभिनयाबाबतीत कोणीच पकडू शकत नाही. पण अनेकदा ती आपल्या फॅशन सेन्समुळेच ती चर्चेत येते आणि ट्रोलही होत असते. सध्या तिच्या एका ड्रेसमुळे सोशल मीडियावर वेगवेगळे मीम्स व्हायरल होत आहेत. प्रियांका स्वतःही सोशल मीडियावर सक्रिय असल्याने तिला आपल्यावर होत असलेल्या मिम्सची कल्पना आहे. यावर उत्तर म्हणून प्रियांकाने तिच्या इन्स्टाग्रामवर काही मीम्स शेअर करत मिम्स तयार करणाऱ्यांचे आभार मानले. प्रियांकाने २४ फेब्रुवारीला ट्विटर आणि इन्स्टाग्रामवर काही मीम्स शेअर करत हे सर्व मीम्स फारच मजेशीर असल्याचं तिने लिहिलं. तसंच माझा दिवस चांगला घालवण्यासाठीही तिने आभार मानले. तिच्या या ट्वीटला आतापर्यंत १.५ हजारांहून जास्त लाइक्स आणि १०० हून जास्त री-ट्वीट आले आहेत. काही मीम्समध्ये प्रियांका पोकेमॉन झाली आहे तर काही मीम्समध्ये तिला सुतळी बॉम्बही करण्यात आलं आहे. प्रियांका चोप्राच्या कामाबद्दल बोलायचं झालं तर नुकतंच तिचं हे पुस्तक प्रकाशित झालं. या पुस्तकाच्या प्रमोशन दरम्यान तिने काळ्या आणि हिरव्या रंगाचा ड्रेस घातला होता. याच ड्रेसवरून लोकांनी अनेक मीम्स तयार केले. विशेष म्हणजे हे मीम्स एवढे मजेशीर होते की स्वतः प्रियांकाही ते शेअर करण्यावाचून स्वतःला रोखू शकली नाही.
from Marathi Bollywood News, Marathi Cinema News https://ift.tt/3bynJlR