मुंबई: बिनधास्त स्वभावासाठी प्रसिद्ध असलेली आणि अनेकदा आपल्या विचित्र वागण्याने वादग्रस्त ठरलेली अभिनेत्री हिचा आज वाढदिवस. काही वर्षांपूर्वी पूजाला मद्यसेवनाचं व्यसन लागलं होतं. परंतु तिनं आता हे व्यसन सोडलं आहे. वेळोवेळी ती याबद्दल व्यक्त झाली आहे. पूजा भट्ट अतिमद्यसेवन करायची. ती दारूच्या पूर्णपणे आहारीच गेली होती. तिच्या या व्यसनाचे अनेक किस्सेही पुढे यायचे. मात्र, सततच्या प्रयत्नांतून तीन वर्षांपूर्वी तिनं दारूचे व्यसन सोडलं आहे. पूजासाठी हा एकप्रकारे पुनर्जन्मच असून दारूच्या व्यसनातून मुक्ती मिळाल्यानंतर तीन वर्षांनी तिने तो खडतर आणि आव्हानात्मक काळ आपल्या चाहत्यांसोबत शेअर केला होता. पूजानं आपल्या अधिकृत इन्स्टाग्राम अकाउंटवर एक पोस्ट शेअर केली होती . त्यात वाईट सवयी सोडण्यासाठी प्रेरणादायी ठरेल असा महत्त्वाचा संदेश तिच्या चाहत्यांना दिला होता. मला जे जमलं ते तु्म्हालाही जमेल असं तिनं तिच्या पोस्टमध्ये म्हटलं होतं कधी घेतला पूजाने दारु सोडायचा निर्णय?आपला हा निर्णय केव्हा आणि कसा झाला ते सांगत होती. ती म्हणाली, 'आपल्या देशात दारूला एक कलंक मानले जाते आणि समाजाच्या भीतीने बाईचे दारू पिणे तर लपवून ठेवले जाते आणि त्यातून महिलांना बाहेर येणे कठिण जाते. मला हा विचार खोडून काडायचा आहे. आपण आपल्या अडचणी, आपल्याला होणारा त्रास, आपल्या चुका शेअर करत नाही. आपला कमकुवतपणा झाकून ठेवतो आणि याच गोष्टीचा पुढे कर्करोग होतो.' एकदा आपले वडील महेश भट्ट यांच्यासोबत गप्पा मारताना ती या निर्णयाप्रत पोहोचली.
from Marathi Bollywood News, Marathi Cinema News https://ift.tt/3qQZFB4