मुंबई : आजवर अभिनेत्री अदा शर्माच्या ग्लॅमरस लूकने प्रेक्षकांना भूरळ घातली. अदाची ड्रेसिंग स्टाईल तर कमालीची आहे. सोशल मीडियावर तर लाखोंच्या घरात तिचे फॉलोअर्स आहेत. बॉलिवूडच्या या ग्लॅमरस अभिनेत्रीने दाक्षिणात्य चित्रपटांमध्येही काम केलं आहे. अभिनयक्षेत्रात आपला ठसा उमठवणाऱ्या या अभिनेत्रीने केलेली स्टंटबाजी सोशल मीडियावर चांगलीच व्हायरल झाली आहे. अदा सोशल मीडियावर फारच सक्रीय असते. तिच्या प्रत्येक फोटो, व्हिडिओलाही नेटकरी चांगली पसंती देतात. आताही तिने एक व्हिडिओ तिच्या सोशल मीडिया अकाऊंटवरुन शेअर केला आहे. या व्हिडिओमध्ये ती साडी नेसून स्टंटबाजी करताना दिसत आहे. दोन्ही हातात ट्यूबलाइट घेऊन ती अदा फिरवत आहे. अदाने हा व्हिडिओ एका रेस्टॉरन्टमध्ये शूट केला आहे. तर व्हिडिओ सुरु असताना तिचं नुकतंच प्रदर्शित झालेलं ‘ड्रंक ऍण्ड हाय’ गाणं ऐकायला मिळत आहे. ‘ड्रंक ऍण्ड हाय’ हे अदाच नवं गाणं देखील सध्या चांगलच गाजतय. अदाने स्टंट करत असताना पिवळ्या रंगाची साडी परिधान केली आहे. त्यामध्ये ती फारच सुंदर दिसतेय. तिच्या या नव्या व्हिडिओला तीन तासांमध्ये जवळपास साठ हजार लोकांनी लाईक केलं आहे. अदाचा हा व्हिडिओ पाहून ती प्रत्येक कामात सरसच असल्याचं स्पष्ट दिसून येत आहे. अदाने 2008मध्ये प्रदर्शित झालेल्या ‘1920’ या चित्रपटामधून बॉलिवूडमध्ये पदार्पण केलं. या चित्रपटानंतर तिने मागे वळून पाहिलंच नाही. ‘हंसी तो फसी’, ’कमांडो 3’ सारखे हिट चित्रपट अदाच्या नावे आहेत. शिवाय आताही तिच्या हाती दोन चित्रपट आहेत. एका तेलुगू चित्रपटाची तयारी सध्या अदा करत आहेत. तसेच लघुपटात ही अदा काम करताना दिसणार आहे.
from Marathi Bollywood News, Marathi Cinema News https://ift.tt/2YAvEJ0
