मुंबई: अभिनेता राहुल रॉयच्या 'आशिकी' चित्रपटानं १९९० मध्ये बॉक्स ऑफिसची गणितंच बदलून टाकली. एकीकडे या संपूर्ण वर्षात तसं पाहायला गेलं तरी बरेच रोमँटिक चित्रपट रिलीज झाले. त्या काळात बॉलिवूडमध्ये शाहरुख खान, सलमान खान आणि आमिर खान यांचीच चलती होती. पण राहुल रॉयच्या 'आशिकी'नं फक्त रोमान्सची व्याख्याच बदलली नाही तर लाखो चाहत्यांच्या मनावर राज्य केलं. राहुल रॉयचा आज ५३ वा वाढदिवस. ज्याच्या 'आशिकी' लाखोंना वेड लावलं त्याचं स्वतःचं वैवाहिक आयुष्य मात्र अवघ्या १४ वर्षांत संपलं. रुपेरी पडद्यावर राहुलच्या 'आशिकी'नं लाखो प्रेक्षकांची मनं जिंकली. मात्र त्याचं स्वतःच्या वैवाहिक आयुष्यात मात्र बरेच चढ-उतार आले. त्याची स्वतःचा संसार मात्र लग्नाच्या १४ वर्षांनंतर तुटला. सूत्रांच्या माहितीनुसार त्यावेळी मनिषा कोईराला आणि पूजा भट्ट यांना डेट करत होता. मात्र त्यानं लग्न मात्र राजलक्ष्मी खानविलकरशी केलं. यावेळी सर्वांच्या भुवया उंचवल्या गेल्या. कारण, राजलक्ष्मीचं प्रसिद्ध अभिनेता समीर सोनीशी लग्न झालं होतं आणि काही वर्षांत त्यांचा घटस्फोटही झाला होता. राहुल आणि राजलक्ष्मी १९९८ मध्ये एका पार्टीमध्ये भेटले होते. दोघंही एकमेकांच्या प्रेमात पडले आणि अखेर २००० मध्ये या दोघांनी लग्न सुद्धा केलं. अलिकडेच एका मुलाखतीत राजलक्ष्मीसोबतच्या आपल्या नात्याबद्दल बोलताना राहुल म्हणाला, 'मी तिचा खूप आदर करतो. कारण ती मला माझं करिअर यशाच्या शिखरावर असताना भेटली नव्हती तर करिअरला उतरती कळा लागल्यावर भेटली होती. आमचं नातं खूपच सुंदर होतं. वयाने माझ्यापेक्षा ११ वर्षांनी लहान असूनही तिनं मला खूप चांगल्या प्रकारे सांभाळलं.' राजलक्ष्मी बद्दल राहुल म्हणतो, 'आम्हाला दोघांनाही एकमेकांसोबत खूप वेळ एकत्र घालवायचा होता. पण असं होऊ शकलं नाही. कारण ती त्यावेळी ऑस्ट्रेलियामध्ये एक सलून स्पा चालवत होती आणि मी भारतात होतो. तिला भेटण्यासाठी मी वर्षातून ४ वेळा ऑस्ट्रेलियाला जात असे आणि ती सुद्धा भारतात महिन्याभरासाठी येत असे.' राहुल रॉय आणि राजलक्ष्मी यांचा संसार फक्त १४ वर्षं टिकला. त्यानंतर त्यांनी घटस्फोट घेतला. दोघांच्याही आपापल्या जीवनातील अपेक्षा वेगवेगळ्या होत्या आणि हेच कारण देत हे दोघंही परस्पर संमतीनं वेगळे झाले. 'राजलक्ष्मी नेहमीच्या माझ्या हृदयाच्या जवळ राहील आणि तिला ही माझ्याबद्दल असंच वाटतं. आजही तिच्या कुटुंबाला मी माझं कुटुंब मानतो. मी नेहमीच तिच्या पाठिशी खंबीरपणे उभा राहिन.' असंही एका मुलाखतीत राहुल रॉयनं सांगितलं होतं.
from Marathi Bollywood News, Marathi Cinema News https://ift.tt/2MPZOpB
