मुंबई: अभिनेत्री आणि सैफ अली खानच्या मुलाच्या जन्मानंतर सोशल मीडियावर सर्वाधिक चर्चा ही त्याच्या नावावरून होत आहे. करिनाचा पहिला मुलगा तैमुरच्या नावावरुन त्यावेळी खूप वाद-विवाद झाले होते. सैफ आणि करिनानं क्रूर मुघल शासकाच्या नावावरून आपल्या मुलाचं नाव तैमुर ठेवलं असं अनेकांचं म्हणणं होतं. ज्यामुळे करिना आणि सैफला सोशल मीडियावर मोठ्या प्रमाणावर ट्रोल करण्यात आलं होतं. दरम्यान यावेळी करण जोहरच्या चॅटशोमध्ये जेव्हा सैफ अली खानसोबत पोहोचली होती. तेव्हा तिनंही यावर आपलं मत व्यक्त केलं होतं. तिचा हा जुना व्हिडीओ आता पुन्हा सोशल मीडियावर चर्चेत आला आहे. करिना कपूरच्या डिलिव्हरीनंतर आता कंगनाचा एक जुना व्हिडीओ सोशल मीडियावर खूप व्हायरल होताना दिसत आहे. ज्यात ती सैफ अली खानसोबत करण जोहरच्या शोमध्ये दिसत आहे. व्हिडीओच्या सुरुवातीला सैफ तैमूरच्या नावाचा अर्थ समजावून सांगताना दिसत आहे. त्यानंतर करण कंगनाला विचारतो की, तिला या सोशल मीडियावर सुरू असलेल्या वादाबद्दल माहीत होतं का? करणच्या प्रश्नाचं उत्तर देताना कंगना म्हणते, 'हो मी याबद्दल ऐकलं होतं. एका नवजात बाळाबद्दल अशाप्रकारे नकारात्मक टीका करणं किंवा नकारात्मक बोलणं खूपच भयानक आहे. लोक दुसऱ्यांच्या आनंदात आनंदी का होत नाही. कोणता यशस्वी चित्रपट असो, एखाद्याचं लग्न असो किंवा मग डिलिव्हरी. आपला समाज यावर ज्या प्रकारे प्रतिक्रिया देत आहे हे पाहून खूप नकारात्मक वाटतं.' आता करिनाच्या दुसऱ्या बाळाच्या जन्मानंतर कंगनाचा हा जुना व्हिडीओ पुन्हा एकदा चर्चेत आला आहे. एक युजरनं हा व्हिडीओ ट्वीट करत लिहिलं, 'कंगना सध्या सैफ आणि करिनाच्या मुलावर खूप विनोद आणि मीम्स सोशल मीडियावर शेअर केले जातात. पण तू त्यावर प्रतिक्रिया देऊ नकोस. लक्षात आहे ना तू कॉफी विथ करण मध्ये तू तैमुरच्या नावाबद्दल काय बोलली होतीस.' दरम्यान या व्हिडीओमध्ये सैफनं तैमूरच्या नावाचा अर्थ सांगितला होता. तैमुर हे एक पर्शियन नाव आहे. ज्याचा अर्थ लोखंड असा होता. पण लोकांनी त्याचा अर्थ क्रूर मुघल शासक तैमुर लंगच्या नावावरुन मुलाचं नाव ठेवलं असा घेतला होता.
from Marathi Bollywood News, Marathi Cinema News https://ift.tt/3pNF933
