मुंबई- अभिनेता नेहमीच सोशल मीडियावर सक्रिय असतो. तो इन्स्टाग्रामवर स्वतःचे नवनवीन आणि अतरंगी फोटो शेअर करत असतो. विशेष म्हणजे त्याच्या फोटोला चाहत्यांकडूनही चांगला प्रतिसाद मिळतो. कधी त्याचे फोटो पाहून थट्टा उडवली जाते तर कधी त्याला फॅशन आयकॉनही म्हटलं जातं. रणवीर इतर सेलिब्रिटींच्या पोस्टवरही सातत्याने कमेन्ट आणि लाइक करत असतो. त्याच्या कमेन्टही अनेकदा चाहत्यांच्या नजरेत येतात आणि त्यावरून एक वेगळाच विषय बोलला जातो. आता प्रियांका चोप्राचा नवरा निक जोनसच्या व्हिडिओवरही त्याने काहीशी अशीच कमेन्ट केली आहे, जिने साऱ्यांचं लक्ष वेधून घेतलं आहे. नुकतंच निकने त्याचा व्यायाम करतानाचा व्हिडिओ सोशल मीडियावर शेअर केला आहे. या व्हिडिओमध्ये त्याचं पिळदार शरीर दिसत आहे. आपल्या चाहत्यांसोबत हा व्हिडिओ शेअर करताना निकने लिहिलं, 'लेट्स गेट इट!' व्हिडिओ शेअर केल्याच्या काही मिनिटांतच रणवीरने त्यावर कमेन्ट केली आणि त्याला निक जीजू अशी हाक मारली. रणवीरने लिहिलं की, 'ओहो जीजू! डोले - शोले.' रणवीरच्या या कमेन्टमुळे निकच्या चाहत्यांचं लक्ष व्हिडिओवर कमी आणि कमेन्टवर येणाऱ्या इतर प्रतिक्रियांवर जास्त गेलं. मग काय अनेकजण रणवीरच्याच कमेन्टवर लाइक करू लागले. अशा कमेन्ट करून चाहत्यांचं लक्ष स्वतःकडे खेचून घेण्याची ही रणवीरची काही पहिली वेळ नाही. या आधीही निकच्या पोस्टवर रणवीरने अनेक कमेन्ट केल्या आहेत. विशेष म्हणजे निकही या साऱ्या गोष्टी अगदी सहजतेने घेतो. यातूनच त्यांच्यामधील मैत्री किती घनिष्ठ आहे याचा प्रत्यय येतो. दरम्यान नुकत्याच दिलेल्या एका मुलाखतीत निकला बरीच मुलं हवी आहेत असं सांगितलं होतं. यासोबतच त्याच्यासाठी पत्नीचा अर्थात प्रियांका चोप्राचा आनंद जास्त महत्वाचा आहे, असंही त्याने स्पष्ट केलं होतं.
from Marathi Bollywood News, Marathi Cinema News https://ift.tt/3riY8Ds
