मुंबई- दिल्लीतील शेतकरी आंदोलनाला पाठिंबा दर्शवल्यामुळे पॉप स्टार रिहानावर बिथरली. कंगनाने सोशल मीडियावर रिहानाला मूर्ख म्हटलं. त्यानंतर कंगना चांगलीच ट्रोल झाली होती. पंजाबी अभिनेता आणि गायक यानंही हा चान्स सोडला नाही. याआधीही शेतकरी आंदोलनावरून एकमेकांशी वाद घालणाऱ्या दिलजीत आणि कंगनाचं पुन्हा एकदा ट्विटरवर शीत युद्ध रंगलं आहे. दिलजीतने ट्विटरवर एक पोस्ट शेअर केली आहे ज्यात त्यानं कंगनाला 'पाल' म्हटलं आहे. या ट्वीटमध्ये त्याने कंगनाला टॅग केलं नाही परंतु अप्रत्यक्षपणे तिला टोला लगावला आहे. त्यासाठी त्याने एका पंजाबी म्हणीचा वापर केला आहे. 'जात दी कोहड किर्ली, शातिरों के जफ्फे....' असं त्याने आपल्या ट्वीटमध्ये लिहिलं आहे. त्याच्या फॉलोवर्सनी त्याला याचा अर्थ विचारला, ज्यावर त्याच्या इतर फॉलोवर्सनी त्याचा अर्थ सुद्धा शेअर केला. युझर्सने लिहिलं- 'जेव्हा क्षमता नसलेल्या किंवा कमी क्षमतेच्या व्यक्तीने मोठ्या गोष्टीची अपेक्षा करण्याचा प्रयत्न करणं म्हणजे एखाद्या पालीने घराच्या छपराच्या खांबाला चिकटण्याची स्वप्न बघण्यासारखं आहे.' रिहानाने शेतकरी आंदोलनाला पाठिंबा दिल्यानंतर पॉर्न स्टार मिया खलिफाने देखील या आंदोलनाला पाठिंबा दर्शविला आहे. तिने एक फोटो शेअर करत लिहिलं- 'पेड अॅक्टर? दिग्दर्शकाला सांगा, मला अपेक्षा आहे की यांना नक्कीच पुरस्कार दिले जातील. मी आंदोलनात शेतकऱ्यांसोबत आहे.' कंगनाने रिहानाला म्हटलं मूर्ख रिहानाच्या या ट्वीटवर अभिनेत्री कंगना रणौतनं तिला उत्तर दिलं आहे. कंगनानं रिहानाच्या ट्ववीटवर प्रतिक्रिया देताना म्हटलं की, ‘यावर कोणीही बोलत नाही कारण ते शेतकरी नाहीत तर दहशतवादी आहेत. जे देशाला तोडण्याचं काम करत आहेत. ज्यानंतर चीन भारताचं तुकडे करण्याचा प्रयत्न करत आहे. जेणेकरून नंतर तो कमकूवत झालेल्या प्रदेशांवर आपलं वर्चस्व प्रस्थापित करेल आणि मग अमेरिकेप्रमाणे चायनिज कॉलनी उभी करू शकेल. तुम्ही मूर्ख आहात पण आम्ही आमचा देश असा विकत नाही आहोत. जसं तुम्ही मूर्ख लोकांनी केलं आहे.’
from Marathi Bollywood News, Marathi Cinema News https://ift.tt/3pJtkLL
