मुंबई: मध्य प्रदेशच्या नीमच भागात राहणाऱ्या उदय सिंहनं कधी स्वप्नातही विचार केला नसेल की, एक दिवस त्याला देश आणि संपूर्ण जगासमोर आपला डान्स सादर करण्याची संधी मिळेल. पण जेव्हा त्याला ही संधी मिळाली तेव्हा तो आपले अश्रू थांबवू शकला नाही. आता माधुरी दीक्षितचा डान्स रिअलिटी शो ''मध्ये आपलं टॅलेंट दाखवताना दिसणार आहे. बहुचर्चित शो 'डान्स दिवाने ३' प्रोमो नुकताच रिलीज झाला. ज्यात उदय सिंह त्याच्या आईसोबत मंचावर येऊन आपली कथा सांगून रडताना दिसत आहे. त्यावर धर्मेश त्याला सांगतो की, मागचं सर्व विसरुन त्यानं त्याच्या हिशोबानं डान्सला करावा. त्यानंतर उदय सिंहच्या डान्सला सुरुवात होते आणि त्याचा हा डान्स पाहिल्यावर सुद्धा हैराण होते आणि या शोसाठी स्पर्धक म्हणून त्याची निवड करते. 'डान्स दिवाने ३' येत्या २७ फेब्रुवारी पासून सुरू होत आहे. शनिवार आणि रविवार 'बिग बॉस १४' च्या जागी ९ वाजता आता हा शो टेलिकास्ट केला जाणार आहे. 'बिग बॉस १४' चा सीझन फिनाले २१ फेब्रुवारीला होणार आहे. त्यानंतर या शोची जागा 'डान्स दिवाने ३' घेणार आहे. असं बदललं उदय सिंहचं नशीब उदय सिंहला सुरुवातीपासून डान्सची आवड आहे. त्याच्या आयुष्यात अनेक समस्या आल्या, कठीण काळाचा सामना करावा लागला पण डान्सवरील त्याचं प्रेम अजिबात कमी झालं नाही. जेव्हा तो घरासमोर डान्स करत असे त्यावेळी अनेक लोक त्याला वेडा म्हणत असत. त्याची खिल्ली उडवत असत. पण याने त्याला काहीच फरक पडला नाही. एका मित्राच्या सांगण्यावरून उदयनं टिकटॉकसाठी डान्स व्हिडीओ शूट करायला सुरुवात केली. त्याच्या मित्रानं त्याचे व्हिडीओ टिकटॉक अपलोड केले. जे खूप व्हायरल झाले आणि मग उदयला अनेक लोकं ओळखू लागले. त्यानंतर त्याला अनेकांनी आर्थिक मदत सुद्धा केली. पण जेव्हा भारतात टिकटॉक बंद झालं तेव्हा त्याच्या समस्यांमध्ये पुन्हा वाढ झाली. उदय आणि त्याच्या आईनं तर पुढे काय होईल याची आशा सोडली होती. पण 'डान्स दिवाने ३'च्या माध्यमातून पुन्हा एकदा त्याच्या नशीबाचे दरवाजे उघडले आहेत.
from Marathi Bollywood News, Marathi Cinema News https://ift.tt/3u67sNg
