मुंबई- अभिनेत्री हिचा आज वाढदिस. तिच्या हटके फॅशनसाठी ती चाहत्यांमध्ये प्रसिद्ध आहे. उर्वशी सोशल मीडियावरदेखील नेहमी सक्रीय असते. तिचे निरनिराळे फोटो आणि व्हिडीओ ती चाहत्यांसोबत शेअर करत असते. चाहत्यांकडूनही तिच्या फोटोंना भरपूर लाईक आणि कमेंट मिळत असतात. तिच्या महागड्या आणि स्टायलिश कपड्यांची सोशल मीडियावर नेहमी चर्चा असते. नुकताच तिने तिच्या सोशल मीडिया अकाउंटवरून एक व्हिडिओ शेअर केला होता. चाहत्यांनी त्या व्हिडिओला उत्तम प्रतिसादही दिला. परंतु, व्हिडिओमध्ये जास्त चर्चा झाली ती उर्वशीने परीधान केलेल्या कोटची. या कोटची किंमत माहीत पडल्यावर तिच्या चाहत्यांनीही आश्चर्य व्यक्त केलं. उर्वशीने अनेक चित्रपटात काम केले आहे. ती 'व्हर्जिन भानुप्रिया', पोरोबाशीनी', 'मी. ऐरावत' सारख्या अनेक चित्रपटात तिच्या अभिनयाची झलक दाखवली आहे. तसेच तिने 'लव्ह डोस', 'तेरी लोड वे', 'एक डायमंड दा हार' सारख्या गाण्यांमध्येदेखील उत्तम काम केलं आहे. तिने तिच्या इन्स्टाग्राम अकाउंटवरून एक व्हिडिओ शेअर केला. ज्यात तिने घातलेला कोट स्पष्ट दिसून येत होता. उर्वशीने हा व्हिडिओ हनी सिंगच्या बहिणीला शुभेच्छा देण्यासाठी पोस्ट केला होता. स्नेहा सिंगने तिच्या जवळच्या मित्राशी विवाह केल्याने त्यांना लग्नाच्या शुभेच्छा देण्यासाठी तिने हा व्हिडिओ बनवला ज्यात तिने एका महागड्या व ब्रॅण्डेड कंपनीचा कोट घातल्याचं दिसतंय. हा कोट बालमेन पॅरिस या ब्रॅण्डचा असून त्याची किंमत थोडीथोडकी नाही तर तब्बल पाच लाख रुपये आहे. उर्वशी तिच्या कपड्यांवर प्रचंड खर्च करताना दिसते. तिला चर्चेत राहणं आवडतं. ती नेहमीचं महागड्या ब्रॅण्डचे कपडे परीधान करताना दिसते. तिला फॅशन आयकॉन देखील म्हटलं जातं. इतके महागडे कपडे घालण्याची तिची ही काही पहिलीच वेळ नाही आणि कदाचित शेवटचीही नसावी. ती नेहमीच तिच्या कपड्यांच्या किमतींनी चाहत्यांना आश्चर्याचा धक्का देत असते. उर्वशी सध्या तिच्या आगामी वेबसीरिज 'इन्स्पेक्टर अविनाश' चं चित्रीकरण करत आहे. त्यात अभिनेता रणदीप हुड्डा मुख्य भूमिकेत दिसणार आहे.
from Marathi Bollywood News, Marathi Cinema News https://ift.tt/3soOj7v
