मुंबई- संजय लीला भन्साळी यांचा 'गंगूबाई काठीयावाडी'चा' हा चित्रपट लवकरचं प्रेक्षकांच्या भेटीला येणार आहे. संजय लीला भन्साळी यांच्या वाढदिवसाच्या निमित्ताने काल या चित्रपटाचा टीझर रिलीज करण्यात आला आहे. तो पाहिल्यानंतर अभिनेत्री आलिया भट्टवर कौतुकाचा वर्षाव होत आहे. हिंदी चित्रपटसृष्टीतील अनेक दिग्गज कलाकार आलियाच्या अभिनयाचं कौतुक करत आहेत. 'गंगूबाई काठीयावाडी' चा टीझर पाहून अक्षय कुमार, रणवीर सिंह पासून शाहिद कपूरपर्यंत अनेक मोठंमोठ्या कलाकारांनी आलियाचं कौतुक केलंय. आदिती राव हैदरी, मौनी रॉय, करिश्मा तन्ना, रणवीर सिंह, शाहिद कपूर, अक्षय कुमार, अंशुला कपूर, नेहा धूपिया आणि दिया मिर्झा अशा तमाम बॉलिवूड कलाकारांनी आलियाने साकारलेल्या गंगुबाईच्या भूमिकेचं उघड कौतुक केलं आहे. इतकंच नाही, तर इन्स्टाग्रामपासून ट्विटरपर्यंत आणि 'गंगूबाई काठीयावाडी' हे हॅशटॅग ट्रेंड करत आहेत. चित्रपटाचा टीझर रिलीज केल्यावर चित्रपटाच्या प्रदर्शनाची तारीख व पोस्टरदेखील रिलीज करण्यात आला आहे. चित्रपट २०२१ च्या जुलै महिन्यात चित्रपटगृहांमध्ये प्रदर्शित होणार आहे. अभिनेत्री प्रियांका चोप्राने देखील चित्रपटाच्या टीझरवर तिची प्रतिक्रिया दिली आहे. तिने ट्विट करत लिहीलं, 'आलिया मला तुझा अभिमान आहे. तू एकापाठोपाठ एक असे दर्जेदार चित्रपट देत आहेस. तू नेहमी अशीचं चमकत राहा. तुझ्या वाटचालीसाठी माझ्या शुभेच्छा.' अक्षय कुमारने देखील आलिया आणि संजय लीला भन्साळी यांच्यासाठी ट्विटरवर खास पोस्ट केली आहे. रणवीर सिंहने टीजरमधील गंगुबाईच्या एका वाक्याला कोट करत लिहीलं, 'गंगू तू चंद्र आहेस आणि चंद्रचं राहणार.'
from Marathi Bollywood News, Marathi Cinema News https://ift.tt/3bxZcgC
