मुंबई : लॉकडाऊन काळात संपूर्ण चित्रपटसृष्टीच ठप्प होती. अनेक चित्रपटांचे चित्रीकरण रखडले. मात्र आता सारं काही सुरळीत होत आहे. रखडलेल्या चित्रपटांचे चित्रीकरण सुरु झाले आहे. सारी परिस्थिती पुर्वपदावर येत असताना अभिनेता कार्तिक आर्यनच्या 'भुलभुलैया २' चित्रपटाच्या चित्रीकरणला ही सुरुवात होणार होती. मात्र या चित्रपटाच्या मुख्य अभिनेत्रीनेच सध्यातरी चित्रपटाचे चित्रीकरण करण्यास नकार कळवला आहे. गेल्या वर्षीच 'भुलभुलैया २' चित्रपटाची घोषणा करण्यात आली. मात्र लॉकडाऊनमुळे हा चित्रपट रखडला. चित्रपटाच्या निर्मात्यांनी पुन्हा नव्याने चित्रपटाच्या चित्रीकरणाला सुरुवात करण्याचं ठरवलं होतं. चित्रपटाची संपूर्ण टीम चित्रीकरण करण्यास तयार देखील होती. मात्र या चित्रपटामधील अभिनेत्री हिने यासाठी साफ नकार दिला आहे. सुत्रांनी दिलेल्या माहितीनुसार, तब्बूमुळे चित्रपटाचे चित्रीकरण थांबवण्यात आले आहे. कोरोनामुळे तिने चित्रपटाच्या सेटवर येण्यास तिने नकार दिला आहे. सध्यातरी सेटवर येणं तब्बूला सुरक्षित वाटत नाही. म्हणून तिने घरीच राहणं पसंत केलं आहे. तब्बूची या चित्रपटात महत्त्वपूर्ण भूमिका आहे. त्यामुळे तब्बूचा होकार येईपर्यंत तरी या चित्रपटाच्या टीमला चित्रपटाचे चित्रीकरण थांबवावे लागणार आहे. अनीस बज्मी या चित्रपटाचे दिग्दर्शन करणार आहे. अभिनेता अक्षय कुमारच्या ‘भुलभुलैया’ चित्रपटाचा हा दुसरा भाग आहे. अक्षयच्या 'भुलभुलैया’ चित्रपटाने बॉक्सऑफिसवर बक्कळ कमाई केली होती. शिवाय त्याचा हा चित्रपट अगदी पैसा वसुल होता. चित्रपटाच्या दुसऱ्या भागाची कथा देखील काहीशी वेगळी आणि हटके असणार आहे. कार्तिकचा 'भुलभुलैया २'मधील पहिला लूक प्रदर्शित झाला आणि या त्याच्या लूक प्रेक्षकांना भरभरुन प्रतिसाद दिला. हॉरर-कॉमेडी ड्रामा असणाऱ्या या चित्रपटात कार्तिक एका वेगळ्याच भूमिकेत दिसणार आहे. पण आता चित्रपटाचे चित्रीकरणच रखडल्यामुळे या चित्रपटाच्या प्रदर्शनाची तारीख ही लांबणीवर जाणार आहे.
from Marathi Bollywood News, Marathi Cinema News https://ift.tt/39FYcHJ
