मुंबई: राखी सावंतनं बिग बॉसच्या घरात एंट्री केल्यापासून घरातलं वातावरण अचानक बदललं. राखी सध्या बिग बॉसच्या घरातली बेस्ट एंटरटेनर म्हणून ओळखली जातेय. पण तिचा पती रितेश मागच्या अनेक दिवसांपासून सर्वांसाठीच एक न उलगडलेलं कोडं आहे. राखीचं म्हणणं आहे की, ती विवाहित आहे. तिचं लग्न रितेशशी झालं आहे. पण ना त्याचा कोणताही फोटो तिने शेअर केला आहे ना त्याला कोणी प्रत्यक्षात पाहिलं आहे. पण आता राखीचा भाऊ राकेशनं टाइम्स ऑफ इंडियाला दिलेल्या मुलाखतीत तिच्या नवऱ्याबाबत अनेक खुलासे केले आहेत. राकेश म्हणाला, 'मी सर्वांना शेवटचं एकच सांगेन माझी बहीण राखी विवाहित आहे आणि तिचा नवरा राकेश ही काही घडवून सांगितलेली स्टोरी नाही. तिचं लग्न झालं ही गोष्ट खरी आहे आणि तिचा नवरा पोलंडमध्ये राहतो.' राकेश पुढे म्हणला, 'जेव्हा राखीचं लग्न झालं तेव्हा दोन्ही कुटुंबं त्याठिकाणी उपस्थित होती. याशिवाय माझे मामा-मामी सुद्धा या लग्नाला उपस्थित होते. राखीला स्वतःच्या लग्नाबाबत खोटं बोलण्याची काहीच गरज नाही. जेव्हा तिनं लग्न केलं नव्हतं तेव्हा तिनं अशा प्रकारचं नाटक कधीच केलं नव्हतं. मग आता लग्न झालं आहे तर तिनं सर्वांना याबाबत सांगून टाकलं.' राखीचा पती रितेश कोणासमोर का येत नाही असा प्रश्न विचारल्यावर राकेश म्हणला, 'हा त्यांचा वैयक्तिक निर्णय आहे. आतापर्यंत त्यांना आपली ओळख कोणासमोर येऊ द्यायची नव्हती. त्यांना त्यांचं पर्सनल लाइफ कोणसमोर दाखवायला आवडत नाही. पण बिग बॉस मेकर्सनी त्यांना भारतात येण्यासाठी अप्रोच केलं आहे आणि ते लवकरच सर्वांसमोर येतील. त्यांनी आता सर्वांसमोर यायला हवं असं मलाही वाटतं.' राखीनं जेव्हा बिग बॉसच्या घरात वाइल्ड कार्ड एंट्री केली होती. त्यावेळी तिला तिच्या नवऱ्याबद्दल अनेक प्रश्न विचारले गेले होते. त्यावर राखीनं स्पष्ट केलं होतं की, ती विवाहित आहे आणि नवऱ्याची वाट पाहत आहे. ती म्हणाली, 'मी माझ्या पतीची वाट पाहत आहे. पण त्याला आधी माझ्यासमोर तर येऊ द्या त्यानंतर तो सर्वांसमोर येईल. माझ्या आयुष्यात काही अशा समस्या होत्या ज्यामुळे मला खूप घाईघाईत लग्न करावं लागलं. लोकं घाईघाई शॉपिंग करतात, ब्रेकअप करतात अशाच काहीशा स्थितीत माझं लग्न झालं होतं. भारतात एक व्यक्ती आहे ज्याचं मी नाव घेऊ शकत नाही. पण जर मी लग्न केलं नसतं तर तो मला उचलून घेऊन गेला असता. त्यानं मला धमकी सुद्धा दिली होती. मात्र मी याबाबत पोलिसांकडे तक्रार केली नव्हती.
from Marathi Bollywood News, Marathi Cinema News https://ift.tt/3pIIaSL
