गौरी भिडे मालिकेतील कलाकार दिवसातील रोज दहा-बारा तास चित्रीकरण करतात. इतके तास काम करूनही कलाकारांना मात्र तीन महिन्यांनी मिळतं. अनेकदा तीन महिने उलटूनही पैसे मिळत नाहीत. हाच मुद्दा अभिनेता यानं सोशल मीडियावर मांडला. त्यावर अनेक कलाकारांनी त्याला पाठिंबा देत त्यांची मतं मांडली आहेत. 'निर्माता कितीही सीनिअर किंवा अनुभवी असला तरी थकवणं हा गुन्हाच आहे', अशी पोस्ट शशांकनं लिहिली आहे. कलाकाराला ९० दिवसांनी मिळणाऱ्या मानधन प्रक्रियेबद्दल शशांकनं नाराजी व्यक्त केली आहे. कलाकार किंवा तंत्रज्ञ काम न मिळण्याच्या भीतीनं त्याबद्दल उघडपणे बोलू शकत नाहीत, असंही यानिमित्तानं समोर आलं आहे. या पोस्टबद्दल शशांकनं 'मुंटा'ला सांगितलं, 'एखादा निर्माता त्या पूर्ण टीमचे पालकत्व स्वीकारतो. ९० दिवसांनी मानधन मिळणार असं सांगितलं जातं मग तेव्हा तरी चोख पैसे मिळावेत अशी आम्हा कलाकारांची किमान अपेक्षा असते. अशा गोष्टींना कलाकार सोडून देतो, ही खरं तर आमचीच चूक आहे.' कलाकारांनी मानधनाविषयी विचारण्याची वेळच निर्मात्यांनी येऊ देऊ नये असा सूर अनेक कलाकारांनी सोशल मीडियावर लावला. कलाकारांनी एकत्र येऊन याविषयी खुलेपणाने बोललं पाहिजे असं काहींचं म्हणणं आहे. दोन-तीन वर्षांपूर्वी काही कलाकारांनी एकत्र येऊन यासाठी प्रयत्न केले होते. पण मोजक्याच कलाकारांनी त्यांना समर्थन दर्शवलं असल्याचं त्यांनी पोस्टवरील एका कमेंटमध्ये सांगितलं. 'कलाकारांच्या एकजूटीबरोबर काहीतरी सरकारी नियंत्रण असणं गरजेचं आहे. या क्षेत्रातील सगळेच निर्माते असे नाहीत. अनेक चांगले आणि प्रामाणिक निर्मातेही इथे आहेत. माझ्या बोलण्यामुळे एकाला जरी फायदा झाला तरी माझ्या पोस्टचं सार्थक झालं असं मी समजेन', असं त्यानं 'मुंटा'ला सांगितलं. निर्मात्याला वर्षाचा टॅक्स भरायला लागू नये म्हणून अनेकदा देणी थकवली जातात; पण कलाकारांच्या मानधनातून टॅक्स कापला जातो, हा कुठला न्याय आहे; असाही सवाल या निमित्तानं इंडस्ट्रीतून विचारला जातोय.
from Marathi Bollywood News, Marathi Cinema News https://ift.tt/3aywBr3
