मुंबई- बॉलिवूड अभिनेत्री नेहमीच तिच्या फोटोंमुळे चर्चेत असते. ती जिममध्ये व्यायाम करतानाचे फोटोही सोशल मीडियावर शेअर करत असते. तिच्या शरीराची ती प्रचंड काळजी घेताना दिसते. असाच एक फोटो शिल्पाने इन्स्टाग्रामवर शेअर केला असून फोटो पाहून तिच्या चाहत्यांनी पुन्हा एकदा तिचं कौतुक केलं आहे. शिल्पाने या फोटोत लाल साडी नेसली असून या लुकमध्ये चाहत्यांची नजर तिच्या कमरेवरचं खिळली. शिल्पाने ही साडी एका जाहिरातीच्या चित्रीकरणासाठी नेसली होती. पण फोटो पाहून चाहते तिची प्रशंसा करत आहेत. शिल्पाने तिच्या इन्स्टाग्राम हॅण्डलवरून या फोटोसोबत एक व्हिडिओही शेअर केला आहे. सध्या सोशल मीडियावर शिल्पाच्या या फोटोंनी धुमाकूळ घातला असून चाहत्यांना तिच्या फिटनेसने वेड लावलं आहे. आपल्या व्हिडिओमध्ये ती म्हणते की, 'ही जाहिरात मला माझ्या पोट आणि कंबरेमुळेचं मिळाली आहे.' शिल्पाच्या या फोटोंवर चाहत्यांनी अनेक कमेन्ट केल्या आहेत. काहींनी तिला ड्रीम गर्ल म्हटलं तर काहींनी लिहिलं, 'दोन मुलांची आई आहे आणि कंबर तर पाहा.. याला म्हणतात फिटनेस.' शिल्पाला हॉट म्हणत चाहत्यांनी तिच्या फोटोवर लाइक आणि कमेन्टचा पाऊस पाडला. कामाबद्दल सांगायचं झालं तर शिल्पा अनेक वर्षांनंतर पुन्हा चित्रपटात काम करणार आहे. ती 'निकम्मा' या चित्रपटात दिसणार आहे. त्यासोबतच ती प्रियदर्शन यांच्या 'हंगामा २' या चित्रपटात परेश रावल, मीजान जाफरी या कलाकारांसोबतही दिसणार आहे.
from Marathi Bollywood News, Marathi Cinema News https://ift.tt/372Pql3
