मुंबई- ' १४' मधून बाहेर पडल्यानंतर इतर स्पर्धक आपला वेळ कुटुंबियांसोबत आनंद साजरा करताना दिसत आहेत. तर दुसरीकडे राखी सावंतच्या आयुष्यात खूप मोठं वादळ आलं आहे. राखीच्या आईला कर्करोग झाल्याचं निदान झालं असून ती या आजाराशी हिंमतीने लढा देत आहे. राखीने सोशल मीडियावर तिच्या आईचे दोन फोटो शेअर केले आहेत. या फोटोंमध्ये राखीच्या आईला किती वेदना होत असतील याची जाणीव नक्कीच होते. राखीने आईचे फोटो शेअर करत म्हटलं की, 'कृपया माझ्या आईसाठी प्रार्थना करा, तिचे कर्करोगावर उपचार सुरू आहेत.' अशी बातमी आहे की राखीची आई जया यांच्या पित्ताशयात खूप मोठी गाठ होती. या गाठीचा तपास केल्यानंतर ती कर्करोगाची गाठ असल्याचं निदान समोर आलं होतं. यानंतर तातडीने त्यांच्यावर उपचार सुरू करण्यात आले. राखीच्या जवळच्या मित्र- मैत्रिणींनी आणि चाहत्यांनी राखीची आई लवकरात लवकर बरी व्हावी यासाठी प्रार्थना केल्या आहेत. राखीच्या या फोटोंवरही अनेकांनी सकारात्मक कमेन्ट करत तिला धीर धरण्यास सांगितलं आहे. विकास गुप्ता, जसलीन मथारू, पुनीश शर्मा, सोफिया हयात, कनिका कपूर अशा अनेक सेलिब्रिटींनी राखीच्या पोस्टवर कमेन्ट केली आहे. सध्या राखीच्या आईची केमोथेरपी सुरू आहे. 'बिग बॉस १४' च्या पहिल्या पाच अंतिम स्पर्धकांपैकी एक होती. पण जेव्हा तिला १४ लाख रुपये घेऊन शोमधून बाहेर पडण्याची संधी दिली, तेव्हा तिने ही संधी लगेच स्वीकारली. ही रक्कम घेतल्यानंतर राखीने सलमान खानलाही सांगितलं होतं की ती ही रक्कम आईच्या उपचारांसाठी वापरणार आहे. शोनंतर निक्की तांबोळीनेही सांगितलं की राखी सावंत हिला या पैशांची जास्त गरज असल्याने १४ लाख रुपये गमावल्याचं तिला वाईट वाटलं नाही.
from Marathi Bollywood News, Marathi Cinema News https://ift.tt/3uuCRZQ