मुंबई- परिणीती चोप्राचा आगामी '' हा सिनेमा गेल्या काही दिवसांपासून चर्चेत आहे. नुकताच या सिनेमाचा ट्रेलर रिलीज झाला असून सोशल मीडियावर ट्रेलरला पसंती मिळत आहे. सिनेमात परिणीती मीरा कपूर नावाची व्यक्तिरेखा साकारत आहे. मीरा दररोज ट्रेनच्या खिडकीतून एका मुलीला (अदिती राव हैदरी) पाहत असते. कळत- नकळतपणे ती तिच्या दैनंदिन आयुष्याचा एक भाग होते. पण एक दिवस त्या मुलीची हत्या होते. हत्येप्रकरणात मीरा कपूर अडकते. मीराला अ‍ॅमेनेशिया नावाचा एक आजार असतो. यात ती आपल्या आयुष्यातील पूर्वीचे काही क्षण विसरत असते. या हत्येप्रकरणी पोलीस अधिकारी (कीर्ती कुल्हारी) तपास करताना दाखवण्यात आली आहे. ती मीराविरोधात पुरावे गोळा करत असते. आता मीरासमोर त्या रात्री घडलेल्या सर्व गोष्टी आठवण्याचं आवाहन आहे. इथे पाहा सिनेमाचा ट्रेलर- परिणीतीची बहीण प्रियांका चोप्रादेखील 'द गर्ल ऑन द ट्रेन' च्या ट्रेलरमुळे खूप प्रभावित झाली आहे. परिणीतीची पोस्ट स्वतःच्या इन्स्टाग्राम स्टोरीवर शेअर करताना तिने लिहिले की, 'वाह, ... द गर्ल ऑन द ट्रेन सिनेमा पाहण्यास फार उत्साही आहे. इथे पाहा प्रियांकाची पोस्ट - 'द गर्ल ऑन द ट्रेन' हा सिनेमा पॉला हॉकिन्सच्या त्याच नावाच्या कादंबरीवर आधारित आहे. हॉलिवूडमध्ये बनलेल्या या सिनेमाचा हा अधिकृत हिंदी रिमेक आहे. हॉलिवूडपटात एमिली ब्लंटने मुख्य भूमिका साकारली होती. रिभू दासगुप्ता दिग्दर्शित हा सिनेमा २६ फेब्रुवारी २०२१ रोजी ओटीटी प्लॅटफॉर्म नेटफ्लिक्सवर प्रदर्शित होईल.
from Marathi Bollywood News, Marathi Cinema News https://ift.tt/2YGOSg6
