मुंबई: बॉलिवूड अभिनेत्री सध्या चर्चेत आली आहे. तिच्यावर लाखो रुपयांच्या फसवणुकीचा दाखल करण्यात आला आहे. कार्यक्रमाला हजर राहण्यासाठी लाखो रुपये घेऊनही सनीनं कार्यक्रमाला दांडी मारल्याचा आरोप तिच्यावर करण्यात आलाय. या सर्व प्रकरणावर सनीनं स्पष्टीकरण दिलं आहे. माझी प्रतिमा मलिन करण्याच्या हेतूनं हे आरोप झाल्याचं सनीनं म्हटलं आहे. मी कार्यक्रमाला येण्याचं आश्वासन दिल्यानंतर गैर हजर राहणं शक्यच नाही. ठरल्याप्रमाणे माझे पैसे मला न मिळाल्यानं मी कार्यक्रमाला न जाण्याचा निर्णय घेतला. या सर्व प्रकरणाला चुकीच्या पद्धतीनं लोकांसमोर सादर केलं जात, असल्याचंही सनी म्हणाली. काय आहे प्रकरण? सनीने कोचीमध्ये दोन कार्यक्रमांना उपस्थित राहण्याचे कबुल केले होते परंतु, तिथं न गेल्यामुळं कार्यक्रम व्यवस्थापन अधिकाऱ्यांनी सनीवर आरोप केले आहेत. सनीला कोची येथे होणाऱ्या दोन मोठ्या कार्यक्रमांना उपस्थित राहण्यासाठी २९ लाख रुपये देण्यात आले होते. परंतु, काही वैयक्तिक कारणांमुळं ती तेथे जाऊ शकली नाही. ज्यानंतर कार्यक्रमाशी संबंधित अधिकाऱ्यांनी सनीविरोधात पोलिसात तक्रार दाखल केली. केरळ पोलिसांकडून यासंदर्भात सनीची चौकशी करण्यात आली ज्यात तिनं तिची बाजू मांडली. तक्रारदारानं सांगितल्याप्रमाणे, सनीनं त्यांच्या दोन कार्यक्रमांना हजेरी लावण्याचं कॉन्ट्रॅक्ट केलं होतं जे २९ लाखांचं होतं आणि कार्यक्रमाचे अर्धे पैसे घेऊनही सनी तेथे उपस्थित राहिली नाही. त्यामुळे काँट्रॅक्टचे पैसे सनीने परत करावेत, असं त्यांचं म्हणणं होतं. त्यावर सनीच्या वकिलांनी सांगितलं, 'कॉन्ट्रॅक्ट १२ लाख रुपयांचं झालं होतं आणि ते पैसे कंपनीला परत करण्यात आले आहेत. आता सनीकडं काँट्रॅक्टचे कोणतेही पैसे नाहीत.'
from Marathi Bollywood News, Marathi Cinema News https://ift.tt/2ML3nNC
