मुंबई- बिग बॉस च्या १४ व्या पर्वाची विजेती टीव्ही अभिनेत्री रुबीना दिलैक ठरली. रुबीना दिलैक आणि या टॉप २ स्पर्धकांमध्ये दोघांमध्ये अतीतटीची स्पर्धा पाहायला मिळाली. अखेर रुबीनानं बिग बॉसची ट्रॉफी जिंकली. या शोच्या सुरुवातीपासूनच रुबीना हा रिअॅलिटी शो जिंकेल असं म्हटलं जात होतं. अखेर काहीसं तसंच पाहायला मिळालं. सुरुवातीला हा रिअॅलिटी शो जिंकणाऱ्या स्पर्धकाला ५० लाख रुपये मिळणार होते. मात्र त्यातील १४ लाख रुपये राखी सावंतने घेऊन हा शो सोडण्याचा निर्णय घेतला. यानंतर विजेत्याला ३६ लाख रुपये मिळणार होते. रुबीनाने ही स्पर्धा जिंकून ३६ लाखांवर आपला हक्क दाखवला. पण रुबीनाला हे ३६ लाख पूर्ण मिळणार नाहीत. यावरचा टॅक्सही तिलाच भरावा लागणार आहे. विशेष म्हणजे पती आणि अभिनेता अभिनव शुक्लासोबत रुबीनाने या शोमध्ये एण्ट्री घेतली होती. पण फिनालेच्या काही आठवडे आधी अभिनव घरातून बाहेर पडला. यानंतर रुबीनाने एकटीने आपला प्रवास सुरू ठेवत विजेतेपदावर आपलं नाव कोरलं. रुबीनाला ३६ लाखांची रक्कमही बक्षिस स्वरुपात मिळाली. पण त्यातली तब्बल ९ लाख १९ हजार २२५ रुपये टॅक्स म्हणून वजा होणार आहेत. म्हणजे रुबीना दिलैकला ३६ लाखांमधले २६ लाख ८० हजार ७७५ रुपये मिळणार आहेत. जवळपास १० लाख रुपये तिचे फक्त कर भरण्यातच जाणार आहेत. दरम्यान, अभिनेता सलमान खानने '' चा विजेता म्हणून च्या नावाची घोषणा करताच एकच जल्लोष झाला. या महाअंतिम सोहळ्याला अभिनेते धर्मेंद्र यांनी खास हजेरी लावली होती. तर अभिनेता रितेश देशमुखही सहभागी झाला होता. तर नोरा फतेहीचा धमाकेदार डान्सही प्रेक्षकांना पाहायला मिळाला.
from Marathi Bollywood News, Marathi Cinema News https://ift.tt/3uwoFzQ
