मुंबई : केंद्रशासित प्रदेश असलेल्या पुदुच्चेरीमध्ये लवकरच विधानसभा निवडणुकाही होणार आहेत. अशावेळी यांनी बुधवारी पुदुच्चेरी दौरा केला. आपल्या या दौऱ्यात राहुल यांनी नागरिकांशी थेट संवाद साधला. या दौऱ्यात राहुल यांनी तिथल्या राजकीय महिला महाविद्यालयातील विद्यार्थिनींसोबत संवाद साधला. या कार्यक्रमाचे अनेक व्हिडिओ सध्या सोशल मीडियावर व्हायरल झाले आहे. यापैकी एक व्हिडिओ शेअर करत अभिनेत्री स्वरा भास्करनं दिलेली प्रतिक्रिया चर्चेत आली आहे. राहुल गांधी नेहमीच तरुणाईशी मनमोकळा संवाद साधताना दिसतात. महाविद्यालयातील विद्यार्थिनींसोबत ते संवाद साधत असताना विद्यार्थिनी त्यांना सर म्हणून संबोधत होत्या. परंतु राहुल यांनी माझं नाव सर नाहीए. त्यामुळं तुम्ही मला राहुल अशी हाक मारा, असं त्यांनी विद्यार्थिनींना सांगितलं. तुमच्या शिक्षकांना, प्राध्यापकांना तुम्ही सर म्हणा असंही राहुल म्हणाले. यावर हाच राहुल यांचा साधेपण विद्यार्थिनींना भावला आणि त्यांनी एकच टाळ्या वाजवल्या. राहुल यांचा हा व्हिडिओ स्वरानं शेअर करत, 'गोड' (Sweet)असं म्हटलं आहे. दरम्यान, स्वरा नेहमीच सोशल मीडियावर ट्रोल होत असते. पण या ट्रोलींगवर तिनं तिचं मत मांडलं आहे. 'माझा तिरस्कार करणाऱ्यांची संख्या जास्त आहे. पण, मला त्याविषयी कोणतीही तक्रार नाही', असं तिने एका मुलाखतीत म्हटलं आहे.'सध्या माझी जी ओळख निर्माण झाली आहे ती पाहून मी गर्वाने सांगते की, सोशल मीडियावर सर्वात जास्त तिरस्कार करणाऱ्या सेलिब्रिटींच्या यादीत मी पहिली आहे. पण मला त्याविषयी फारसं काही वाटत नाही. माझ्या ट्रोलर्सला हे माहीत नसेल. पण, मी मनापासून त्यांची आभारी आहे. कारण त्यांच्याचमुळे मी कायम चर्चेत असते', असं स्वरा म्हणाली.
from Marathi Bollywood News, Marathi Cinema News https://ift.tt/3s5HOGG
