मुंबई: याच्या मृत्यू प्रकरणाच्या तपासादरम्यान अनेक अमली पदार्थ तस्करांची नावे समोर आली होती. त्यामध्ये बॉलिवूडमधील कलाकारांना अमली पदार्थ पुरविणाऱ्यांबरोबच काही कलाकारांचीदेखील चौकशी करण्यात आली होती. याच प्रकरणात आता सुशांतचा मित्र आणि सहाय्यक दिग्दर्शक यालाही पोलिसांनी ताब्यात घेतलं आहे. ऋषिकेश सुशांतला ड्रग्ज पुरवत होता, असा आरोप त्याच्यावर करण्यात आला आहे. त्यामुळं गेल्या अनेक दिवासांपासून एनसीबीनं त्याला चौकशीसाठी समन्स बजावले होते. पण अनेकदा नोटिस पाठवल्यानंतरही ऋषिकेशकडून सहकार्य मिळालं नाही. त्यामुळं एनसीबीची टीम ऋषिकेश पवार याच्या चेंबूरच्या घरी गेली होती तेव्हा तो घरी नव्हता आणि त्यानंतर त्याला फरार म्हणून घोषित करण्यात आले होतं. अखेर आज त्याला पोलिसांनी ताब्यात घेतलं आहे. दरम्यान, 'एनसीबी'नं सुशांतसिंह राजपूत प्रकरणाचा तपासदेखील पुन्हा सुरू केला आहे. सुशांतचा मित्र ऋषिकेश पवार याचा शोध घेतला जात होता. त्याचा कुठलाच ठावठिकाणा 'एनसीबी'कडे नव्हता. परंतु सुशांतचा अंमली पदार्थांशी नेमका संबंध कसा होता, या माहितीसाठी ऋषिकेशची चौकशी केली जाणार आहे.
from Marathi Bollywood News, Marathi Cinema News https://ift.tt/2YzCDSP
