मुंबई: बिग बॉस १४ च्या सीझन फिनालेला आता केवळ ३ आठवडे राहिले आहेत आणि बिग बॉस हाऊसमध्ये रोज नवनवे ट्विस्ट पाहायला मिळत आहे. मागच्या आठवड्या विकास गुप्ता घरातून बाहेर पडला त्यामुळे आता घरात फक्त ८ स्पर्धक उरले आहेत. ज्यात अली गोनी, , रुबीना दिलैक, अभिनव शुक्ला, राखी सावंत, निक्की तंबोळी, आर्शी खान आणि देवोलिना भट्टाचार्जी यांचा समावेश आहे. देवोलिना, एजाज खानची प्रॉक्सी म्हणून खेळत आहे. जर मागच्या आठवड्यात डबल एलिमिनेशन झालं असतं, तर ती बिग बॉसच्या घरातून बाहेर पडली असती. कारण ती डेंजर झोनमध्ये होती. दरम्यान आता बिग बॉस १४ बाबत सर्वात आश्चर्यकारक गोष्ट समोर आली आहे. ‘द खबरी’च्या वृत्तानुसार राहुल वैद्य वगळता इतर सर्व स्पर्धकांना एलिमिनेट करण्यात आलं आहे. या एलिमिनेशनसाठी बिग बॉसनं स्पर्धकांना एक नॉमिनेशन टास्क दिला होता. ‘द खबरी’नं ट्विटरवर एक व्हिडीओ शेअर केला आहे. ज्यात सांगण्यात आलं आहे की, ‘सर्वात आधी बिग बॉसनं सर्व स्पर्धकांना नॉमिनेट केलं आणि त्यानंतर एक-एक करत सर्वांना कन्फेशन रुममध्ये बोलवून प्रत्येकाला एका ब्लँक पेजवर घरातील एका सदस्याचं नावं लिहिण्यास सांगितलं. ज्या सदस्याचं नाव सर्वात शेवटी राहणार तो नॉमिनेशनपासून वाचेल.’ ‘सुरुवातीला रुबीनाला कन्फेशन रुममध्ये बोलण्यात येतं आणि ती ब्लँक पेजवर अभिनव शुक्लाचं नाव लिहिते. त्यानंतर अभिनव कन्फेशन रुममध्ये जातो आणि तो स्वतःचं नाव तसंच राहू देतो. त्यानंतर राखी सावंतला बोलवण्यात येतं. ती त्या पेजवर अभिनवचं नाव पाहून रडू लागते आणि म्हणते, अभिनव तू माझ्याशी खूप चुकीचं वागला आहेस. या सर्वांनंतर राहुल वैद्य कन्फेशन रुममध्ये जातो आणि त्याठिकाणी अभिनवच्या नावाचं पेज फाडून टाकतो. त्यानंतर अली गोनी कन्फेशन रुममध्ये जातो आणि तो राहुल वैद्यचं नाव लिहितो. अली नतंर देवोलिना, आर्शी आणि निक्की एका मागोमाग एक कन्फेशन रुममध्ये जातात आणि त्या दोघीही राहुलच्या नावाचं पेज तसंच राहू देतात. अशाप्रकारे सर्वात शेवटी राहुलचं नाव राहतं आणि राहुल वगळता घरातील सर्व स्पर्धक नॉमिनेट होतात. मात्र याबाबत कलर्स टीव्हीकडून कोणतीही अधिकृत माहिती अद्याप मिळालेली नाही.
from Marathi Bollywood News, Marathi Cinema News https://ift.tt/3rdSRx7
