मुंबई- अश्लील चित्रपट बनवून ऑनलाइन विकण्याच्या रॅकेटमध्ये मुंबई पोलिसांनी अभिनेत्री गेहना वसिष्ठला अटक केली. गहनावर ८५ पेक्षा जास्त अश्लील चित्रपट बनवल्याचा आणि ते मोबाइल अ‍ॅपवर विकल्याचा आरोप आहे. गहना याआधीही तिच्या अश्लील चित्रपटांमुळे चर्चेत आली होती. आज आपण जाणून घ्या कोण आहे आणि तिने आतापर्यंत काय केलं ते जाणून घेऊ... गहनाचं मूळ नाव वंदना तिवारी आहे. गहनाचा जन्म १६ जून १९८८ रोजी झाला होता. तिचे वडील रवींद्र तिवारी हे शिक्षणाधिकारी आहेत. ती मध्य प्रदेशमधली राहणारी आहे. मॉडेलिंगमध्ये आल्यानंतर तिने स्वतःचं नाव वंदना तिवारी बदलून गहना वसिष्ठ ठेवलं. आता तिला सर्व गहना याच नावाने ओळखतात. गहनाचे मित्र-मैत्रिणी तिला 'जिंदगी' या नावानेही हाक मारतात. फार कमी लोकांना माहीत आहे की गहनाने कॉम्प्यूटर सायन्समध्ये बीटेक केलं आहे. भोपाळमधील महाविद्यालयातून तिने अभियांत्रिकीची पदवी घेतली आहे. महाविद्यालयीन काळात तिला मॉडेलिंगच्या ऑफर येऊ लागल्या. त्यानंतर तिने पूर्णवेळ मॉडेलिंगला देण्याचा निर्णय घेतला. २०१२ मध्ये, गहनाने मिस आशिया बिकनी ब्यूटी पेजेंटही जिंकलं आहे. एवढंच नाही तर ८० हून जास्त ब्रँडच्या जाहिरातींमध्ये तिनने काम केलं आहे. तिने मॉन्टे कार्लो, फिलिप्स अरेना, शवर्ले क्रूझ कार यांसारख्या मोठ्या ब्रँडच्या जाहीरातींमध्ये काम केलं आहे. गहनाने सहारा वन टीव्ही चॅनलमध्ये अँकर म्हणून काम केलं आहे. यानंतर ती स्टार प्लसवरील मालिका 'बहनें' मध्येही मुख्य भूमिकेत होती. एमटीव्ही शो ट्रू लाइफमध्ये व्हीजे म्हणूनही तिने काम केलं आहे. याशिवाय वर्ल्ड कप २०१५ दरम्यान तिने योगराज सिंग आणि अतुल वासन यांच्यासोबत एका वृत्तवाहिनीवर अँकर म्हणूनही काम केलं होतं. 'फिल्मी दुनिया' या चित्रपटाद्वारे गहनानेने हिंदी चित्रपटसृष्टीत पदार्पण केलं. यानंतर तिने 'दाल में कुछ काला है', 'लखनवी इश्क' आणि 'उन्माद' यांसारख्या काही शॉर्ट फिल्ममध्येही काम केलं. गहनाने अनेक तेलगू सिनेमांमध्येही यांनी बर्‍याच तेलगू चित्रपटांमध्येही काम केले आहे. त्यानंतर गहनाने वेब सीरिजमध्ये काम करायला सुरुवात केली. तिने अॉल्ट बालाजीच्या ' ३' मध्ये काम केलं आहे. शोवरून तिच्यावर अश्लीलता पसरवल्याचा आरोप करण्यात आला होता. यानंतर अश्लील वेब सीरिज प्रसारित करण्यासाठी लोकप्रिय असलेल्या उल्लू अॅपवरही गहनाने 'मी टू इंडियन' नावाची वेब सीरिज केली होती. त्यानंतर गहना वसिष्ठने स्वतःचं अ‍ॅप आणि वेबसाइट तयार केली आणि अश्लील सिनेमांची निर्मिती आणि दिग्दर्शन करण्यास सुरुवात केली. २२ नोव्हेंबर २०१९ रोजी, गहना वसिष्ठला एका वेब सीरिजच्या शूटिंग दरम्यान अचानक हृदयविकाराचा झटका आला. ज्यानंतर तिला रुग्णालयात दाखल करण्यात आलं. अनेक दिवसांच्या उपचारांनंतर ती बरी होऊन घरी आली.
from Marathi Bollywood News, Marathi Cinema News https://ift.tt/3rxqhqF
