नव्या नवेलीसोबत मुलाच्या नात्यावर जावेद जाफरींनी सोडलं मौन

मुंबई: अभिनेता यांचा मुलगा आणि अमिताभ बच्चन यांची नात नव्या नवेली यांच्या अफेअरची चर्चा मागच्या काही काळापासून जोरदार सुरू आहे. मीजान आणि नव्या अनेकदा एकत्र फिरताना दिसले आहेत. त्यामुळे सगळीकडेच या दोघांच्या नात्याची चर्चा होत आहे. या दोघांनीही कधीच हे नातं मान्य केलेलं नाही. पण आता मीजानचे वडील अभिनेता जावेद जाफरी यांनी मात्र या दोघांच्या नात्यावर मौन सोडलं आहे. नव्या आणि मीजान फक्त एकमेकांसोबत फिरतानाच दिसत नाहीत तर सोशल मीडियावरही दोघं एकमेकांच्या फोटोंवर कमेंट करत असतात. जेव्हा 'तू नव्याला डेट करत आहेस का?' असा प्रश्न मीजानला विचारण्यात आला होता. त्यावेळी त्यानं त्या दोघांमध्ये मैत्री व्यतिरिक्त आणखी कुठलंच नातं नसल्याचं म्हटलं होतं. त्यानंतर आता मीजानचे वडील जावेद जाफरी यांनीही नव्यासोबत आपल्या मुलाच्या नात्यावर आपली प्रतिक्रिया दिली आहे. टाइम्स ऑफ इंडियाला दिलेल्या मुलाखतीत जावेद जाफरी यांनी मीजान आणि नव्याच्या नात्याबाबत अनेक खुलासे केले आहेत. ते म्हणाले, 'नव्या आणि मीजान यांच्या अफेअर बद्दलच्या चर्चा या फक्त अफवा आहेत. एखाद्या व्यक्तीचा चांगला मित्र असण्याला लोकं काही वेगळंच समजून बसतात. त्या दोघांचं एकच फ्रेंड सर्कल आहे. लोकांना फक्त चर्चेचा विषय हवा असतो. माझा मुलगा आणि नव्या शाळेत असताना पासून एकमेकांना ओळखतात. ते दोघंही एकमेकांचे खूप चांगले मित्र आहेत.' जावेद जाफरी पुढे म्हणाले, 'नव्या आणि मीजान यांच्या मित्रमैत्रीणींचा एक कॉमन ग्रुप आहे. ज्यात सारा अली खान सुद्धा आहे. सारा आणि मीजान एकाच क्लासमध्ये होते. त्यामुळे ते घरी सुद्धा येताता. पहाटे ३ वाजेपर्यंत सर्वजण गप्पा मारत बसतात. ते नेहमीच एकत्र असतात. त्यामुळे त्यांच्या लिंकअपच्या चर्चा होणं सहाजिक आहे. पण ते केवळ एकमेकांचे चांगले मित्र आहेत.' २०१७ मध्ये मीजान आणि नव्याच्या नात्याची चर्चा सुरू झाली होती. यावेळी या दोघांना एका थिएटरच्या बाहेर स्पॉट केलं गेलं होतं आणि मीजान त्याचा चेहरा लपवण्याचा प्रयत्न करत होता. त्यानंतर नव्यानं इन्स्टाग्रामवर शेअर केलेल्या एका फोटोमुळे या दोघांच्या अफेअरच्या चर्चांनी जोर धरला होता. नव्यानं काही दिवसांपूर्वी इन्स्टाग्रामवर शेअर केला होता. ज्यावर कमेंट करत मीजाननं तिला, 'हा फोटो कोणी क्लिक केला?' असं विचारलं होतं. त्यानंतर पुन्हा एकदा या दोघांच्या नात्याची चर्चा सुरू झाली होती.

from Marathi Bollywood News, Marathi Cinema News https://ift.tt/36RqgWF