मुंबई: ८०च्या दशकातली अशा एक अभिनेत्री, जिने त्यावळीच्या स्टार कलाकारांसोबत काम केलं होतं. पण नंतर अचानक त्या बॉलिवूडमधून गायब झाल्या. किम स्वतःच्या नावाने कमी आणि 'जिमी जिमी आजा आजा' या गाण्यामुळे प्रेक्षकांच्या जास्त लक्षात राहिल्या. बॉलिवूडमधून गायब झाल्यानंतर किम कुठेच दिसल्या नाहीत. पण आता एवढ्या वर्षांनंतर त्यांचा एक फोटो सध्या सोशल मीडियावर व्हायरल होताना दिसत आहे. ज्यामुळे त्या एवढ्या वर्षांनंतर सुद्धा चर्चेत आल्या आहेत. 'जिमी जिमी आजा आजा' हे गाणं मिथुन चक्रवर्ती यांच्या 'डिस्को डान्सर' या चित्रपटातील आहे. हा चित्रपट त्यावेळी खूप हिट ठरला होता. 'डिस्को डान्सर'च्या आगोदर किम यांनी 'नसीब' आणि 'फिर वही रात' या चित्रपटांमध्ये काम केलं होतं. आपल्या चित्रपटसृष्टीतील कारकिर्दीत किम यांनी राजेश खन्ना, , शत्रुघ्न सिन्हा, मिथुन चक्रवर्ती यांसारख्या त्यावेळच्या सुपरस्टार्ससोबत काम केलं होतं. त्याचं करिअर यशाच्या शिखरावर होतं. बॉलिवूडमध्ये करिअर अगदी चांगलं चालू असतानाच किम रिअल लाइफमध्येही जीवनसाथीच्या शोधात होत्या. काही काळात त्यांचा हा शोध सुद्धा संपला. त्यावेळी किम यांच्या आयुष्यात बॉलिवूडचे प्रसिद्ध अभिनेता डॅनी डेंजोंग्पा यांची एंट्री झाली आणि दोघंही एकमेकांच्या प्रेमात आकंठ बुडाले. किम यशपाल आणि डॅनी डेंजोंग्पा जवळपास ७ वर्षं रिलेशनशिपमध्ये होते. दरम्यानच्या काळात दोघं लिव्ह इन रिलेशनशिपमध्येही होते. पण १९८० मध्ये या दोघांचं ब्रेकअप झालं. दोघंही एकमेकांपासून वेगळे झाले आणि दोघांचे मार्ग बदलले. ब्रेकअपनंतर डेनी त्यांच्या आयुष्यात पुढे निघून गेले आणि किम यशपाल यांनी बॉलिवूडला रामराम केला. पण आता एका व्हायरल फोटोमुळे त्या पुन्हा चर्चेत आल्या आहेत. अनेक वर्षं त्यांच्याबद्दल कोणालाच काही माहिती नव्हती. किम कुठे आहेत. काय करतात या बाबत कोणाला काहीच समजलं नाही. पण त्याच्या सोशल मीडियावर अकाउंटमुळे ते मुंबईतच कुठेतरी सामान्य आयुष्य जगत असल्याचं समजतं. पण त्यांच्या फेसबुक वॉलवरही त्यांची शेवटची पोस्ट २०१४ मधील आहे. पण सध्या त्यांचा २०१६ मधील एक फोटो सोशल मीडियावर व्हायरल होताना दिसत आहे. एका युजरनं त्याच्या ट्विटरवर त्यांचा हा फोटो शेअर केला आहे. यात त्यांचा ८०च्या दशकातला आणि आताच्या फोटोची तुलना केली आहे.
from Marathi Bollywood News, Marathi Cinema News https://ift.tt/3a22ERd
