मुंबई- अमेरिकन पॉप सिंगर भारतात सुरू असलेल्या शेतकरी आंदोलनावर केलेल्या ट्वीटमुळे चर्चेत आली आहे. जगभरातून तिला पाठिंबा मिळताना दिसत आहे. पण अभिनेत्री कंगना रणौतने तिच्यावर निशाणा साधला होता. रिहाना विरोधातलं ट्वीट करत कंगनाने तिला मुर्ख म्हटलं होतं. पण रिहाना फक्त तिच्या गाण्यांसाठीच ओळखली जात नाही तर रिहाना तिच्या सामाजिक कामासाठीही तेवढीच ओळखली जाते. विशेषत: जगभरातील साथीच्या काळात, तिने केलेल्या मदतीचं कौतुक झालं होतं. रिहानाने २०१२ मध्ये क्लारा लिओनेल फाऊंडेशनची स्थापना केली होती. ही संस्था जगभरात शिक्षण आणि इतर कामांसाठी कार्यरत आहे. मार्च २०२० मध्ये कोविड- १९ या महामारीशी लढा देण्यासाठी रिहानाच्या फाउंडेशनने ५० लाख डॉलर म्हणजे जवळपास ३६ कोटी रुपये दान केले होते. घरगुती हिंसाचाराला बळी पडलेल्यांना मदत इतकंच नव्हे तर मार्च २०२० मध्येच रिहानाने करोनाच्या कामकाजासाठी दहा लाख डॉलर्स भारतीय रुपयांनुसार साधारणपणे सात कोटी रुपये दान केले होते. याव्यतिरिक्त, या अमेरिकन पॉप सिंगरने लॉस एन्जेलीसमधील घरगुती हिंसाचाराच्या पीडितांना मदत करण्यासाठी एप्रिल २०२० मध्ये ट्वीटरचे मुख्य कार्यकारी अधिकारी जॅक डोर्सी यांच्याशी हातमिळवणी केली होती. लक्झरी आयुष्य जगत असताना करत असते मदत रिहानाने करोना काळात अनेक ठिकाणी भरभरून मदत केली होती. तिने अजून एका ठिकाणी १ कोटी रुपये दान केले होते. यावरूनच रिहानाला लक्झरी आयुष्य जगण्यासोबतच सामाजिक जाणिवेचं महत्त्वही आहे. ती अनेकदा लोकांना मदत करताना दिसते. रिहाना कोण आहे? रिहाना ही कॅरेबियन पॉप गायिका आहे. २० जानेवारी १९८८ मध्ये बार्बाडोस येथे तिचा जन्म झाला. ट्विटरवर रिहानाचे १० कोटी फॉलोअर्स आहेत. रिहानाचं पूर्ण नाव रॉबिन रिहाना फेंटी आहे. बार्बाडोसमध्ये लहानाची मोठी झालेल्या रिहानाचे वडील बर्बाडियन होते आणि आई गयाना (दक्षिण अमेरिकेच्या उत्तर अटलांटिक किनारपट्टीवरील एक देश) इथली होती. रिहानाची एकूण संपत्ती किती अमेरिकन रेकॉर्ड निर्माता इव्हान रोगन यांनी तिला पहिल्यांदा अमेरिकेत गाण्याच्या रेकॉर्डिंगसाठी बोलावलं होतं. यानंतर रिहानाने मागे वळून पाहिलं नाही. रिहानाची एकूण संपत्ती ६० कोटी अमेरिकन डॉलर आहे. म्हणजे जवळपास ४४ अब्ज रुपयांची ती मालकीण आहे.
from Marathi Bollywood News, Marathi Cinema News https://ift.tt/3oJNrbr
