मुंबई- दुसऱ्यांदा बाबा झाला आहे. यावेळी त्यांच्या घरी मुलाचा जन्म झाला. स्वतः कपिलने सोशल मीडियावर ही आनंदाची बातमी शेअर केली. २०१९ मध्ये कपिलला पहिली मुलगी अनाया झाली होती. एकीकडे कपिलच्या घरी आनंद साजरा होत असताना सोशल मीडियावर त्याला ट्रोलही केलं जात आहे. लग्नाच्या तीन वर्षातच दुसऱ्यांदा पालक झाल्यामुळे त्याला ट्रोल केलं जात आहे. कपिल शर्माने ११ डिसेंबर २०१८ मध्ये गिन्नी चतरथशी लग्न केलं. १० डिसेंबर २०१९ मध्ये एका वर्षात त्यांना अनायरा ही पहिली मुलगी झाली. आता २०२१ मध्ये कपिलला दुसरं मुल झालं. अवघ्या तीन वर्षात दोन मुलांची बातमी देणं काही युझर्सना पटलं नाही आणि ते कपिलला सोशल मीडियावर ट्रोल करू लागले. कपिलची पत्नी हिने सोमवारी म्हणजे १ फेब्रुवारी रोजी मुलाला जन्म दिला. ट्विटरवर ही गोड बातमी शेअर करत कपिलने लिहिले की, 'नमस्कार, आज सकाळी देवाच्या आशीर्वादाने आम्हाला मुलगा झाला. आई आणि बाळ दोघेही निरोगी आहेत. तुमचे आशीर्वाद, प्रेम आणि प्रार्थना याबद्दल तुमचे आभार.' कपिलने पत्नीच्या दुसऱ्या गरोदरपणाची बातमी लपवली होती. पण गेल्यावर्षी नोव्हेंबरमध्ये गिन्नीचा बेबी बंपसोबतचा एक फोटो सोशल मीडियावर दिसला होता. यानंतरच गिन्नी गरोदर असल्याचं चाहत्यांना कळलं होतं. दुसऱ्या बाळाला जास्तीत जास्त वेळ देता यावा यासाठी कपिलने काही महिने 'द कपिल शर्मा शो' बंद करण्याचा निर्णय घेतल्याचंही सांगितलं.
from Marathi Bollywood News, Marathi Cinema News https://ift.tt/3j6HlAX
