मुंबई- चित्रपटसृष्टीतल्या आपल्या ४० वर्षाच्या कारकिर्दीत डॅशिंग स्टार यांनी जवळपास २०० पेक्षा जास्त चित्रपटात अभिनेता म्हणून काम केलं. ते नेहमीच लाइमलाइटमध्ये झळकत राहिले. फिल्म इंडस्ट्री व आपल्या चाहत्यांमध्ये '' नावाने प्रसिद्ध असलेले जॅकी श्रॉफ आज मात्र आपला वेळ कुटुंबासोबत मुंबईतच घालवणार आहेत. त्याला कारण म्हणजे त्यांचा वाढदिवस. आपला वाढदिवस ते कुटुंबासोबतच साजरा करतात. टाइम्सला दिलेल्या एका मुलाखतीत त्यांच्या मुलीने हिने त्यांच्या वाढदिवसाबद्दलचे प्लॅन सांगितले आहेत. हा वाढदिवस त्यांच्यासाठी खास का आहे, याचं कारणदेखील तिने सांगितलं आहे. जॅकी श्रॉफ यांच्या वाढदिवसादिवशी मुंबईत असण्याबाबत त्यांची कृष्णा म्हणाली की, 'हो, ते मुंबईतच असणार आहेत आणि कुटुंबासोबत वेळ घालवणार आहेत. आम्ही सगळे एकत्र बाहेर जेवायलादेखील जाणार आहोत. त्यांच्यासोबत लंच केल्यानंतर आम्ही लॉंग ड्राईव्हला जाऊ किंवा आमच्या फार्महाउसवर जाऊ.' आपल्या वडिलांमधील कोणता गुण तुला आवडतो असं विचारल्यावर तिने 'खूप लोक म्हणतात मी माझ्या बाबांसारखी आहे. विशेषतः जेव्हा वागण्याबोलण्याबाबत विचारलं जातं तेव्हा मी पूर्णपणे माझ्या बाबांसारखी आहे असं ते म्हणतात. आम्ही दोघेही आलेल्या परिस्थितीशी सामना करणारे आहोत. जसा प्रवाह आहे, तसं पोहायचं. आम्ही कोणत्याही परिस्थितीशी व कोणत्याही व्यक्तीशी जुळवून घेऊ शकतो. हेच मी माझ्या बाबांकडून शिकले.' असं स्पष्टीकरण दिलं. 'बाबा खूप साधे आहेत. या साधेपणाचा लोक फायदा घेतात. पण आज बाबांसारख्या व्यक्तीची या समाजाला गरज आहे. मला त्यांचा अभिमान आहे, 'असं म्हणत तिने जॅकी श्रॉफ यांना वाढदिवसाच्या शुभेच्छा दिल्या आहेत.
from Marathi Bollywood News, Marathi Cinema News https://ift.tt/3cqVYh7
