मुंबई: भारतात सुरू असलेल्या शेतकरी आंदोलनाला पाठिंबा देण्यासाठी पर्यावरण प्रेमी ग्रेटा थनबर्गनं काही दिवसांपूर्वी एक ट्वीट केलं होतं. ज्याबाबत दिल्ली पोलिसांनी केस दाखल केली होती. त्यानंतरही ग्रेटानं एक ट्वीट केलं होतं. हे ट्वीट रि-ट्वीट करत साउथ अभिनेता यांनी सुद्धा शेतकऱ्यांना आपला पाठिंबा दिला आहे. ग्रेटा थनबर्गनं आपल्या ट्वीटमध्ये लिहिलं, मी आताही शेतकऱ्यांच्या बाजूने उभी आहे. त्यांच्या शांततापूर्ण आंदोलनाचं मी समर्थन करते. कोणत्याही प्रकारची तिरस्कारयुक्त भावना, धमकी अथवा मानवाधिकारांचे उल्लंघन याला बदलू शकत नाही. ग्रेटाचं हेच ट्वीट रिट्वीट करत प्रकाश राज यांनी लिहिलं, 'मी सुद्धा सर्व शेतकऱ्यांना माझा पाठिंबा देतो.' ग्रेटानं आपल्या पहिल्या ट्वीटमध्ये लिहिलं होतं, 'भारतात सुरू असेलेल्या शेतकरी आंदोलनात आम्ही शेतकऱ्यांच्या समर्थनार्थ एकजूटीनं उभे आहोत.' ग्रेटाच्या या ट्वीटनं सर्वत्र खळबळ उडाली होती. एवढंच नाही तर ग्रेटाच्या आधी पॉप स्टार रिहानानं देखील 'आपण याबाबत का बोलत नाही आहोत #FarmerProtest' असं ट्वीट करत शेतकरी आंदोलनाला पाठिंबा दिला होता. याशिवाय मिया खलिफानं देखील याबाबत शेतकऱ्यांना पाठिंबा देणारं ट्वीट केलं होतं. यानंतर अनेक भारतीय सेलिब्रेटींना याला भारताच्या विरोधात हा चुकीचा प्रचार केला जात असल्याचं म्हटलं होतं. मागच्या तीन दिवसांपासून भारतात सुरू असलेल्या शेतकरी आंदोलनाबाबत आपल्या सोशल मीडियावर शेतकऱ्यांच्या समर्थनार्थ ट्वीट करताना दिसत आहे. याआधी ग्रेटानं शेतकऱ्यांच्या समर्थनार्थ ट्विटरवर टूलकिट डॉक्यूमेंट शेअर केले होते. हे ट्वीट तिनं काही वेळानं डिलिट केलं होतं. मात्र हे टूलकीट तयार करणाऱ्यांच्या विरोधात दिल्ली पोलिसांनी मात्र एफआरआय दाखल केली आहे.
from Marathi Bollywood News, Marathi Cinema News https://ift.tt/3joMtjJ
