मुंबई: बॉलिवूड अभिनेत्री बिझनेसमन वैभव रेखीशी लग्न केल्यानंतर सोशल मीडियावर खूप चर्चेत आहे. दिया आणि वैभवनं १५ फेब्रुवारीला एका अत्यंत खासगी स्वरुपाच्या समारंभात लग्न केलं. यावेळी त्यांचे कुटुंबीय आणि जवळचा मित्रपरिवार उपस्थित होता. वैभव आणि दियाच्या लग्नानंतर वैभवची एक्स-वाइफ सुनैना सुद्धा यावर प्रतिक्रिया दिली होती. त्यानंतर आता दियानं वैभवसोबतचा एक फोटो शेअर करत सोशल मीडियावर त्याच्यासाठी खास पोस्ट लिहिली आहे. दियानं तिच्या इन्स्टाग्रामवर लग्नातील एक फोटो शेअर केला आहे आणि यासोबतच तिनं एक पोस्ट लिहिली आहे. दियानं या फोटोच्या कॅप्शनमध्ये लिहिलं, 'तुमचा भूतकाळ किती वाईट आहे याने काहीच फरक पडत नाही. तुम्ही नेहमीच एक नवीन सुरुवात करू शकता- बुद्ध.' दियाचा हा फोटो सध्या सोशल मीडियावर खूप व्हायरल होताना दिसत आहे. दरम्यान काही दिवसांपूर्वीच वैभव रेखीची पहिली पत्नी सुनैना रेखी हिनं दिया-वैभवच्या लग्नावर आपली प्रतिक्रिया दिली होती. तिनं इन्स्टाग्राम स्टोरीवर एक व्हिडीओ शेअर केला होता. ज्यात तिन म्हटलं होतं, 'हो माझे पूर्वश्रमीचे पती यांनी दिया मिर्झाशी लग्न केलं आहे. त्यानंतर मला सोशल मीडियावर खूप मेसेज आले आहेत. अनेकांनी माझी आणि माझ्या मुलीची विचारपूस केली आहे. आम्ही ठिक आहोत का असं विचारलं आहे. तर मी सांगू इच्छिते मी आणि माझी मुलगी ठिक आहोत.' सुनैना पुढे सांगितलं होतं,'आम्ही दोघींही ठिक आहोत. फक्त ठिकच नाही तर माझी मुलगी समायरा या लग्नासाठी खूप उत्साहित होती. या लग्नात ती सहभागी होऊ शकली. आमचे मुंबईमध्ये कोणी नातेवाईक नाहीत. पण या लग्नामुळे कुटुंबात नवे लोक जोडले गेले आहेत. समायराला एक नवी आणि मोठी फॅमिली मिळाली आहे. ती खूप खुश आहे. त्यामुळे मलाही या लग्नाबद्दल आनंदच आहे. तिला तिच्या आई-बाबांच्या लग्नात प्रेम पाहता आलं नाही पण ती या लग्नात या नात्यात प्रेम पाहू शकेल. मी दिया आणि वैभवला त्यांच्या पुढील वाटचालीसाठी शुभेच्छा देते.' दिया आणि वैभव या दोघांचंही हे दुसरं लग्न आहे. वैभवशी लग्न करण्याआधी २०१९ मध्ये दियानं साहिल संघाला घटस्फोट दिला होता. लग्नाच्या ११ वर्षांनंतर एकमेकांच्या संमतीनं हे दोघंही वेगळे झाले होते. तर वैभव आणि सुनैना यांचंही नातं लग्नानंतर फार काळ टिकू शकलं नव्हतं आणि त्यांनी घटस्फोट घेतला होता. या दोघांना एक मुलगी सुद्धा आहे.
from Marathi Bollywood News, Marathi Cinema News https://ift.tt/2OXRLI1
